Улсын хэмжээнд 3.8 сая толгой эх мал төллөжээ

Өнөөдрийн байдлаар улсын хэмжээнд 27.9 сая толгой эх мал төллөхөөс 3.8 сая толгой эх мал төллөжээ. Энэ нь өнгөрсөн оны мөн үетэй харьцуулахад ижил түвшинд байна.

Мал төллөлт баруун бүсэд нийт төллөвөл зохих эх малын 24.3 хувь, хангайн бүсэд 11 хувь, төвийн бүсэд 14 хувь, зүүн бүсэд 4.8 хувьтай байна.

Улсын хэмжээнд 92.1 мянган ингэ, 1.2 сая гүү, 1.7 сая үнээ, 13.5 сая эм хонь, 11.3 сая эм ямаа төллөнө хэмээн ХХААХҮЯ-наас мэдээллээ.