Энэ оны эхний хоёр сард 2,735 иргэн гэрлэлтээ бүртгүүлжээ
Улсын бүртгэлийн ерөнхий газраас 2022 оны эхний хоёр сарын нэгдсэн статистик мэдээллийг гаргасан байна. Монгол Улсын нийт хүн амыг хамарсан иргэний бүртгэлийн мэдээлэлд дурдсанаар
- Шинээр 2,735 иргэн гэрлэлтээ бүртгүүлсэн бол
- 659 иргэн гэрлэлтээ цуцлуулсан байгаа юм.
Энэхүү тоон мэдээлэл өнгөрсөн оны мөн үед ямар байсныг танилцуулбал,
- 4,720 иргэн гэрлэлтээ бүртгүүлсэн
- 507 иргэн гэрлэлтээ цуцлуулжээ.
Хуулийн этгээдийн бүртгэлийн мэдээллээс харахад, энэ оны эхний хоёр сард шашны зургаан байгууллага бүртгэлд оржээ.
Түүнчлэн хэвлэл мэдээллийн хоёр компани байгуулагдсан байна.
Харин эд хөрөнгийн бүртгэлийн мэдээлэлд дурдсанаар 8,287 худалдах, худалдан авах гэрээ, 1,930 бэлэглэх гэрээг хийжээ.
Эх сурвалж: Улсын бүртгэлийн ерөнхий газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
