Монголчууд эрт дээр үеэс л бага насны хүүхдийнхээ даахийг хүндэтгэлтэйгээр үргээдэг ёс заншилтай байсан бөгөөд одоо ч уламжлалаа хадгалсаар ирсэн билээ. Эрэгтэй хүүхдийн үсийг сондгой, эмэгтэй хүүхдийн үсийг тэгш настайд нь үргээдэг. Энэ нь сондгой тоог арга, тэгш тоог билэг гэж бэлгэддэгтэй холбоотой юм. Мөн хүүхдийн үсийг авахдаа идээ цагаа бэлдэж тэр тусмаа үзэмтэй аарц, сүүтэй цагаан будааг заавал бэлдэж, айл хотол, хамаатан саднаараа цугларч ирсэн бүх зочид цагаалгаас заавал амсаж найрыг эхлүүлдэг. Монголчууд хүүхдийнхээ даахийг авах жил “бугын дуунаар бүстэй хүүхдийн үсийг, хөхөөн дуунаар бүсгүй хүүхдийн үсийг авна” гэж хот айлаар цугларч хотондоо сан тавиад төрөл саднаараа цугларч даахь авах зан үйл ёслол эхэлдэг ёстой.

Мөн хүүхдийн даахь /өрөвлөг/ үргээж байх үедээ хүн бүр хүүхдэд бэлэг өгч:

Урт настай
Удаан жаргалтай
Аавдаа ачтай
Ээждээ тустай
Төр улсдаа зүтгэлтэй
Түмэн олны манлай болж яваарай гэх мэтээр хүн бүр амьдрал нь сайн сайхан байх бэлгэдэж , аав ээж төрөл төрөгсдөдөө ачлал ивээлтэй сайн хүн болохыг ерөөн ерөөлийн үг хэлдэг билээ.

Говь мираж ресторан сэвлэг үргээх ёслолын захиалга болон бүх төрлийн хүлээн авалтын захиалга авч байна. Таны хамгийн чухал, нандин мөчүүдийг бид бүтээлцэхэд бэлэн байна.

Захиалга өгөх утас: 9407-8689, 9990-3564

Үс авахад сайн өдрүүд Шинийн тооллоор

Шинийн гурван – Эд мал баялаг төгөлдөр болно.
Шинийн дөрвөн – Бие эрхтний хүч сайжирна.
Шинийн таван – Эд мал арвижна.
Шинийн зургаан – Өнгө зүс сайжирна.
Шинийн найман – Урт насална.
Шинийн арван – Эрч хүч сайжирна.
Шинийн арван нэгэн – Ухаан хурц болно.
Шинийн арван гурван – Жаргал ирнэ.
Шинийн арван дөрвөн – Эд мал арвижна
Шинийн арван таван – Өлзийтэй сайн
Шинийн арван есөн – Сайн нөхөртэй нөхөрлөнө.
Шинийн хорин хоёрон – Идээ ундаа элбэг олдоно.
Шинийн хорин гурван – Эд эдлэл олдоно.
Шинийн хорин зургаан – Жаргал үргэлжид ирнэ.
Шинийн хорин долоон – Өлзийтэй сайн

Даахь үргээхдээ өдрийн сайныг үзэхээс гадна гаригийн сайныг давхар сайтар үзэх нь чухал

Хаяг: Хан-Уул дүүргийн “Говь ХК” үйлдвэрийн дэргэд Говь мираж ресторан