"Хөвсгөл аймгийн Ханх сумын нутагт өчигдөр орой болсон 4.4 магнитудын газар хөдлөлт иргэдэд бага мэдрэгдсэн"

Гэрэл зургийг mpa.mn

Орон нутагт өчигдөр орой газар хөдлөлт болжээ.

ОБЕГ-аас мэдээлснээр Хөвсгөл аймгийн Ханх сумын Хороо багийн “Хачим” гэдэг газар /сумын төвөөс баруун урд зүгт 41 км-т, Ө-51°13’48.0”, У-100°18’00.0”/ хоёрдугаар сарын 13-ны 20:45 цагт 4.4 магнитудын газар хөдлөлт болсон тухай мэдээллийг 20:51 цагт Одон орон геофизикийн хүрээлэнгээс цахим шуудангаар ирүүлжээ.

Аймгийн Онцгой байдлын газраар дамжуулан тус сумын Засаг даргын Тамгын газрын даргаас тодруулахад иргэдэд чичирхийлэл бага мэдрэгдсэн бөгөөд хохирол учраагүй тухай мэдээлсэн байна.