Т.Дашдэлэг нарт холбогдох хэргийг шүүх хурал ирэх сарын 6-н хүртэл хойшлогдлоо

Зэвсэгт хүчний жанжин штабын Агаарын довтолгооноос хамгаалах цэргийн командлагч асан, Бригадын генерал Т.Дашдэлэг нарын гурван хүнд холбогдох хэргийн шүүх хурал 2014 оны 1 сарын 6-ныг хүртэл хойшлогдлоо.

Хэргийг хянан хэлэлцэх шүүх хурал өнөөдөр Сүхбаатар дүүргийн шүүхэд хаалттай эхэлсэн ч тодорхой шалтгааны улмаас хойшилсон байна.

Генерал Т.Дашдэлэг болон түүнтэй холбоотой гурван хүнийг  2011 онд цэргийн ангид ашиглаж байсан байлдааны сөнөөгч бөмбөгдөгч “Миг-21” онгоцыг хуваан, их биеийг нь төмөр хайлуулах үйлдвэрт тушаасан, мөн моторыг нь БНАСАУ-д худалдахыг завдсан байж болзошгүй хэрэгт холбогдуулан ТЕГ шалгасан юм.