Эрүүл шүд - Эрүүл бие эрхэмсэг гоо сайхныг цогцлооно

Монголчууд эрт үеэс л үр хойчдоо эрүүл биед саруул ухаан, шүд эрүүл бол бие эрүүл хэмээн сургаж шүдийг танан цагаан, сувдан цагаан өнгөтэй зүйрлэн, хэл яриа хурц тод уран ярууг тэгш бүрэн шүдээр магтан сайшаасаар ирсэн.

 

Шүдний эмч дээр ирж буй үйлчлүүлэгчдийн байнгын асуулт, хүсдэг зүйл бол “Ямар оогоор шүдээ угаах вэ?”, Би шүдээ цагаан болгомоор байна? Том шүдтэй болохыг хүсэж байна? гэдэг. Төрөлхийн шүдний өнгө, хэлбэр, буйлны төлөв, эрүү нүүрний хөгжил эцэг эхээс удамшдаг ч төрсний дараах амьдралын хэв маяг, буруу хооллолт, зуршил нь шүд эрүү нүүрний эмгэг зовууриудыг үүсгэдэг. Амны хөндийн эрүүл мэндийн талаар хүүхдүүд эцэг эхээс, багш сурган хүмүүжүүлэгчээс, шүдний эмчээс, мэдээллийн хэрэгслээс авдаг. Ингэхдээ зөв мэдээлэл авах хэрэгтэй.

"Ам арчилгааны бүтээгдэхүүнүүд болох шүдний сойз, шүдний оо, шүдний утас, ам зайлах шингэнийг цогцоор нь өөрийн шүд, амны хөндийд тохирсныг сонгож хэрэглэж дадах нь зөв. Ингэснээр шүд, эрүү нүүрний өвчнөөс урьдчилан сэргийлж бие эрүүл сэтгэл дүүрэн инээмсэглэх боломжтой. Тиймээс би өөрийн үйлчлүүлэгчдэдээ “Colgate” брэндийн ам арчилгааны бүтээгдэхүүн сонгож, тогтмол хэрэглэхийг зөвлөдөг."

М. Майцэцэг /Нүүр амны Эмчилгээний Зөвлөх Эмч, Клиникийн профессор/