Уншиж байна ...
Зураг
Зураг
ХУУЧИРСАН МЭДЭЭ: 2021/06/22-НД НИЙТЛЭГДСЭН

Израйл улс лазерын зэвсгээр дрон устгаж чаддаг болсноо харуулжээ

Т.Давааням, ikon.mn
2021 оны 6 сарын 22
iKon.MN
Зураг зураг

Өчигдөр буюу Даваа гарагт Израйл улсын батлан хамгаалах яам өндөр чадлын лазерын туяа ашиглан дайсны дроныг устгаж туршсанаа зарлажээ.

Өнгөрсөн долоо хоногт болсон туршилтын үеэр нисэх онгоцонд суурилуулсан лазерын зэвсгээр өөр өөр өндөр, зайнд нисэж явсан хэд хэдэн дроныг унагаж чадсан байна.

Израйлийн батлан хамгаалах яам, тус улсын зэвсэг зохион бүтээгч Elbit Systems компани уг туршилтыг гүйцэтгэжээ.

Ийм хүчин чадалтай дэлхийн анхны улсуудын нэг болсноо Израйлийн батлан хамгаалах яам мэдэгдсэн байна.

Израйлийн армийн судалгаа хөгжүүлэлтийн хэсгийн тэргүүн, бригадын генерал Янив Ротем “Израйл улс анх удаа ийм зэвсгийг амжилттай туршлаа. Дэлхийд анхных ч байж магадгүй” гэж Йерусалем Пост сонинд ярьжээ.

Лазерын шинэ зэвсэг нь маш хүчтэй, өндөр нарийвчлалтай, цаг агаарын ямар ч нөхцөлд байгаа онох чадвартайг тэр онцолсон байна.

Туршилтын үеэр нэг километр орчим зайнд байг устгаж үзүүлсэн бөгөөд энэ зай цаашдаа хэдэн арав, зуун километр болон нэмэгдэх боломжтой гэнэ.

 

Эх сурвалж: Business Insider