Давж заалдах шатны шүүхээс С.Баярцогтод 4.8, Д.Ганболд, Б.Бямбасайхан нарт тус бүр 1.3 жилийн хорих ял оноож, бууруулжээ

Гэрэл зургийг mpa.mn

Эрүүгийн хэргийн Давж заалдах шатны шүүх бүрэлдэхүүн өнөөдөр шийдвэрээ гаргаж, Сангийн сайд асан С.Баярцогтод 4.8, Д.Ганболд, Б.Бямбасайхан нарт тус бүр 1.3 жилийн хорих ял оноосон байна.

Түүнчлэн тус хэрэгт холбогдох Б.Ариунсан, Б.Бадралд оноосон хорих ялыг тус бүр нэг жил болгон бууруулжээ.

Анхан шатны шүүхээс тэднийг “Оюу толгой” төсөлтэй холбогдох гэрээ, эрх зүйн баримт бичгүүдийг батлахдаа эрх мэдэл, албан тушаалын байдлаа урвуулан ашиглаж илт хууль бус шийдвэр гаргаж бусдад давуу байдал олгосны улмаас улсад их хэмжээний хохирол учруулсан буруутайд тооцож

• С.Баярцогтод 10 жил хорих, нийтийн албанд томилогдох эрхийг таван жил хасах, гурван байрыг улсын орлого болгох, 1.6 тэрбум төгрөг хураах ял
• Б.Бямбасайхан, Д.Ганболд нарт нийтийн албанд томилогдох эрхийг тус бүр гурван жилээр хасаж, дөрвөн жил хорих ял
• Б.Ариунсан, Б.Бадрал нарт нийтийн албанд томилогдох эрхийг хоёр жил хасаж, 1.6 жил хорих ял тус тус оногдуулсан юм.