Хязгаарлалтад ороогүй байгууллагууд Covid-19 батлагдсан болон сэжигтэй, гэрийн ажиглалтад байгаа ажилтныг ажлаас халахыг ХОРИГЛОНО

гэрэл зургийг MPA.mn

Засгийн газрын өчигдрийн /2020.11.29/ хуралдаанаас нийслэл Улаанбаатар хот, Сэлэнгэ, Архангай аймагт бүх нийтийн бэлэн байдлын зэргийг 10 хоног буюу 2020 оны 12 дугаар сарын 11-ний өдрийн 06:00 цаг хүртэл хэсэгчилсэн байдлаар сунгахаар болсон.

Түүнчлэн хөл хорионы хязгаарлалтад үл хамаарч байсан 13 чиглэлийн үүргийг хэрэгжүүлдэг аж ахуйн нэгж, албан байгууллага дээр нэмээд маргаашаас эхлэн боловсруулах үйлдвэрлэл, банк санхүү, онлайн худалдааны салбарын үйл ажиллагааг нээх шийдвэр гаргаад байна. Ингэснээр: 

1. Эрчим хүчээр хангах үйл ажиллагаа
2. Хүнсний үйлдвэрлэл, худалдаа, түгээлт, тээвэрлэлтийн үйл ажиллагаа
3. Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа.
4. Хот суурины усан хангамж, ариутгах татуургын ашиглалтын үйл ажиллагаа
5. Эрүүл мэндийн байгууллага, эм, эмнэлгийн хэрэгслийн үйлдвэрлэл, ханган нийлүүлэх үйл ажиллага
6. Банк санхүү, хөрөнгийн биржийн үйл ажиллагаа
7. Хэвлэл мэдээлэл, харилцаа холбоо, шуудан илгээмжийн үйл ажиллагаа
8. Улсын онц чухал болон стратегийн ач холбогдол бүхий обьект, байгууллагын үйл ажиллагаа
9. Малын өвс, тэжээлийн үйлдвэрлэл, худалдаа, тэвэрлэлтийн үйл ажиллагаа
10. Гоо сайхан бүтээгдэхүүн үйлдвэрлэлийн үйл ажиллагаа
11. Арьс шир, ноос ноолуур, боловсруулах үйлдвэрийн үйл ажиллагаа
12. Сав баглаа боодол, хэвлэх үйлдвэрийн үйл ажиллагаа
13. Модон эдлэл, барилгын хийц, материалын үйлдвэрлэлийн үйл ажиллагаа
14. Бараа материалын цахим худалдаа, хүргэлтийн үйл ажиллагаа
15. Хууль тогтоох дээд байгууллага, нутгийн өөрөө удирдах байгууллага, төрийн захиргааны байгууллагын үйл ажиллагаа /тооны хязгаарлалттай/
16. Тусгайлсан чиг үүрэг бүхий байгууллагын үйл ажиллагаа
17. Шүүх, прокурор, өмгөөлөл, нотариатын үйл ажиллагаа
18. Оршуулгын үйл ажиллагаа эрхэлдэг аж ахуйн нэгжүүдийн үйл ажиллагаа хязгаарлалтад үл хамаарахгүйгээр үргэлжлэхээр болсон юм.

 Үүнтэй холбогдуулан Нийслэлийн онцгой комиссын Шуурхай штабаас “Хязгаарлалт тогтоохгүй хуулийн этгээдийн үйл ажиллагаанд халдвар хамгааллын дэглэм мөрдөх заавар”-ыг гарган, баталлаа. 

/ЗУРАГ ДЭЭР ДАРЖ ТОМООР ХАРАХ БОЛОМЖТОЙ/

 

 

 

Эх сурвалж: НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС