2021/05/09
Америк доллар
МОНГОЛ БАНК:
2,850.06₮
B30
УЛААНБААТАР
14°
|
B30
УЛААНБААТАР
19°
|
B30
УЛААНБААТАР
10°
|
-1°
15:00
S30
13°
16:00
S26
14°
17:00
S30
14°
18:00
S30
13°
19:00
S30
12°
20:00
S30
10°
21:00
S29
22:00
S31
23:00
S31
00:00
S31
01:00
S31
02:00
S31
Энэ мэдээ хуучирсан буюу 2020/10/23 -нд нийтлэгдсэн мэдээ болно.

Улаанбаатар хотын 35 дахь даргаар томилогдсон Д.Сумъяабазар тамгаа гардан авлаа

Д.Тэмүүлэн, ikon.mn
2020 оны 10 сарын 23
iKon.MN
Зураг
Гэрэл зургийг Mpa.mn
эрэмбэлэх:   шинэ нь эхэнд хуучин нь эхэнд

18:41 2020/10/23

Нийслэлийн Засаг дарга бөгөөд Улаанбаатар хотын Захирагчаар томилогдсон Д.Сумъяабазар тамгаа гардан авч байна.

ШУУД ҮЗЭХ:

https://www.facebook.com/Officialnews.UB/videos/787340918768664

Өнөөдөр нийслэлийн Иргэдийн төлөөлөгчдийн хурлаас Д.Сумъяабазарыг нийслэлийн Засаг дарга бөгөөд Улаанбаатар хотын захирагчаар томилох саналыг Монгол Улсын ерөнхий сайдад хүргүүлсний дагуу захирамж гаргаж, хотын даргаар томилжээ.

Монгол Улсын Их Хурлын гишүүн хуульд заасан тодорхой төрлийн ажлаас бусдыг хавсарч хийх боломжгүй учир өнөөдрийн чуулганы хуралдаанаар Д.Сумъяабазарыг УИХ-ын гишүүний бүрэн эрхээс чөлөөлсөн юм.

Ийнхүү Улаанбаатар хотын 35 дахь захирагчаар томилогдсон Д.Сумъяабазар үүрэгт ажлаа хүлээн авлаа.

Гэрэл зургийг Mpa.mn

 

17:59 2020/10/23

Д.Сумъяабазарыг УИХ-ын гишүүнээс чөлөөллөө

Төрийн байгуулалтын байнгын хорооны өнөөдрийн хуралдаанаар УИХ-ын гишүүн Д.Сумъяабазарын гишүүнээс чөлөөлөгдөх хүсэлтийг хэлэлцэн, олонхын саналаар дэмжиж энэ тухай санал дүгнэлт, УИХ-ын тогтоолын төслийг чуулганд танилцуулсан юм.

Ингээд гишүүдийн 70.5 хувийн саналаар Д.Сумъяабазарыг УИХ-ын гишүүнээс чөлөөллөө.

Монгол Улсын Их Хурлын тухай хуулийн 10 дугаар зүйлийн 10.1.2-т “хүндэтгэн үзэх шалтгаанаар чөлөөлөгдөх хүсэлтээ өөрөө гаргасныг Улсын Их Хурал хүлээн зөвшөөрсөн” тохиолдолд Улсын Их Хурлын гишүүний бүрэн эрх хугацаанаас өмнө дуусгавар болохоор заасан.

Энэ дагуу Улсын Их Хурлын гишүүн Д.Сумъяабазар өөр ажилд томилогдох болсон тул өөрийн хүсэлтээр Улсын Их Хурлын гишүүнээс чөлөөлөгдөх хүсэлтээ өгсөн юм.

Учир нь энэ сарын 15-ны өдөр болсон Аймаг, нийслэл, сум, дүүргийн иргэдийн Төлөөлөгчдийн Хурлын ээлжит сонгуулийн дүнд бүрдсэн нийслэлийн иргэдийн Төлөөлөгчдийн Хурлаас Улсын Их Хурлын гишүүн Д.Сумъяабазарыг нийслэлийн Засаг дарга бөгөөд Улаанбаатар хотын захирагчаар томилуулахаар нэрийг нь дэвшүүлсэн билээ.

 

 

x