Гүйцэж түрүүлэх үйлдлийг хориглосон нөхцөлд буруу хийсний улмаас зам тээврийн 53 осол бүртгэгджээ
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Гүйцэж түрүүлэх үйлдэл нь зам тээврийн ослын гол шалтгаануудын нэг хэвээр байгааг Тээврийн Цагдаагийн Алба (ТЦА)-наас анхааруулав.
Ялангуяа үзэгдэх орчин хязгаарлагдмал, сөрөг хөдөлгөөнтэй замд амжина гэдэг байдлаар буруу тооцоолол хийснээр ноцтой осол гарах эрсдэл өндөр байдаг.
Орон нутгийн замд энэ оны эхний таван сард гүйцэж түрүүлэх үйлдлийг хориглосон нөхцөлд буруу хийсний улмаас зам тээврийн 53 осол, хэрэг бүртгэгдсэн нь жолооч нар уг үйлдлийг хийхдээ онцгой анхаарал, хариуцлагатай байх шаардлагатайг харуулж байна.
Замын хөдөлгөөний дүрэмд зааснаар жолооч гүйцэж түрүүлэхийн өмнө замын нөхцөл байдал, үзэгдэх орчин, эсрэг урсгалын зайг сайтар тооцоолж, аюулгүй эсэхийг нягтлах үүрэгтэй.
Гүйцэж түрүүлэхдээ анхаарах зүйлс:
- Замын тэмдэг, тэмдэглэгээг мөрдөх
- Үзэгдэх орчин хангалттай эсэхийг шалгах
- Эсрэг урсгалын тээврийн хэрэгслийн зайг зөв тооцоолох
- Хурд хэтрүүлэхгүй байх
- Аюулгүй зай баримтлах
- Яарах биш, аюулгүй зорчих нь хамгийн зөв сонголт болдог.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
