Монгол Улсын 2021 оны төсвийн төсөлд нийслэлийн дүүргүүдэд хуваарилсан төсвөөс гадна Улаанбаатар хотын хэмжээнд 95 тэрбум төгрөгийн өртөг бүхий 11 том ажил хийхээр тусгажээ.
Тухайлбал, хог ангилах төвийн барилга, тоног төхөөрөмжид зориулан 3.75 тэрбум төгрөгийн санхүүжилт хийх бол тусгай хэрэгцээт хүүхдүүдийн 320 суудалтай сургууль барихад ₮2 тэрбум төгрөг төсөвлөсөн байна. Тус сургуулийн нийт өртөг ₮4 тэрбум төгрөг бөгөөд 2022 онд хийж дуусгахаар төлөвлөжээ.
Мөн Шинжлэх ухаан, инновацын төвийн кластерыг 94 тэрбум төгрөгөөр байгуулахаас 2021 онд ₮9 тэрбум төгрөгийг төсөвлөсөн байна.
Эдгээр ажлаас хамгийн өндөр өртөгтэй төсөл нь Үндэсний урлагийн их театрын барилга. Нийт 152.5 тэрбум төгрөгийн өртөгтэй тус барилгад зориулж ирэх онд ₮5 тэрбум төгрөгийн санхүүжилтийг төсвөөс гаргах нь.
Мөн Халаалтын зуухнуудыг төвлөрсөн дулаанд холбоход 3 тэрбум төсөвлөсөн бол Серьеэгийн эмнэлгийн барилгын ажлыг 2 тэрбум төгрөгийн санхүүжилттэйгээр ирэх онд эхлүүлэх нь.
Нийслэлийн зам, тээврийн хөгжлийн салбарт ирэх онд 50.5 тэрбум төгрөгийн хөрөнгө оруулахаар төлөвлөсөн байна.
Хүснэгт. Улаанбаатар хотод ирэх онд төсвийн хөрөнгө оруулалтаар хийгдэх ажлууд
Улаанбаатар хотын хэмжээнд төсвийн хөрөнгө оруулалтаар хийх ажлууд | Эхлэх он | Дуусах он | Төсөвт өртөг (₮сая) | 2021 онд санхүүжүүлэх дүн (₮сая) |
Хиймэл дагуулын мэдээ хүлээн авах газрын станцын антены цамхгийн байр /Улаанбаатар/ | 2019 | 2021 | 5,900 | 4,200 |
Барилга, хот байгуулалтын салбарын Улаанбаатар хотод хийгдэх хөрөнгө оруулалт /Улаанбаатар/ | 2020 | 2022 | 33,245 | 13,000 |
Улаанбаатар хотын гэр хорооллын дахин төлөвлөлтийн хүрээнд хийгдэх инженерийн шугам сүлжээ /Улаанбаатар/ | 2020 | 2021 | 4,905 | 2,405 |
Хог ангилах төвийн барилга, тоног төхөөрөмж /Улаанбаатар/ | 2018 | 2022 | 10,140 | 3,754 |
Тусгай хэрэгцээт хүүхдүүдийн сургуулийн барилга, 320 суудал /Улаанбаатар/ | 2021 | 2022 | 4,000 | 2,000 |
Шинжлэх ухаан, инновацийн төвийн кластер /Улаанбаатар/ | 2020 | 2022 | 94,000 | 9,000 |
Үндэсний урлагийн их театрын барилга /Улаанбаатар/ | 2020 | 2022 | 152,520 | 5,000 |
Зам, тээврийн хөгжлийн салбарын Улаанбаатар хотод хийгдэх хөрөнгө оруулалт /Улаанбаатар/ | 2020 | 2021 | 53,228 | 50,537 |
12 а магистралийн ТК-1211 цэгээс урагш гарсан 2 Ø 400 мм голчтой шугамыг 2 Ø 500 мм болгон өргөтгөх, 3х500х70 хүчин чадалтай шинээр даралт өргөх насос станц барих, зургийн хамт /Улаанбаатар/ | 2015 | 2021 | 6,527 | 468 |
Халаалтын зуухнуудын төвлөрсөн дулааны холболт /Улаанбаатар/ | 2018 | 2021 | 20,300 | 3,000 |
Сүрьеэгийн эмнэлгийн барилга /Улаанбаатар/ | 2019 | 2022 | 18,500 | 2,000 |
Нийт | 95,364 |
Монгол Улсын 2021 оны төсвийн төсөлтэй бүрэн эхээр нь ЭНД дарж танилцана уу.