Уншиж байна ...
ХУУЧИРСАН МЭДЭЭ: 2020/08/04-НД НИЙТЛЭГДСЭН

Гамшгийн эрсдлийн үнэлгээ хийх тусгай зөвшөөрөл олгох материал хүлээн авч байна

ikon.mn
2020 оны 8 сарын 4
iKon.MN
Зураг зураг
Гэрэл зургийг mpa.mn

Гамшгаас хамгаалах тухай  хуулийн 29 дүгээр зүйлийн 29.1.14 дэх хэсэгт заасны дагуу Онцгой байдлын ерөнхий газраас шаардлага хангасан хуулийн этгээдэд гамшгийн эрсдлийн үнэлгээ хийх тусгай зөвшөөрлийг олгохоор материал хүлээн авч эхэлсэн талаар Онцгой байдлын ерөнхий газар мэдэгджээ.

Мэдэгдэлд:

Гамшгийн эрсдлийн үнэлгээ хийх тусгай зөвшөөрөл хүсэх хуулийн этгээд нь тусгай зөвшөөрөл хүссэн өргөдөл, холбогдох материалыг ОБЕГ-ын даргын 2018 оны А/192 тоот тушаалаар батлагдсан загварын дагуу бүрдүүлж, ОБЕГ-ын Гамшгийн эрсдэлийн удирдлагын газарт 2020 оны 08 дугаар сарын 14-ний өдрийн 17:00 цагаас өмнө ирүүлнэ үү.

Тусгай зөвшөөрлийг Гамшгаас хамгаалах тухай хууль, Галын аюулгүй байдлын тухай хууль, Аж ахуйн үйл ажиллагааны тусгай зөвшөөрлийн тухай хуулийн хүрээнд заасан шаардлагуудыг баримтлан олгох ба Засгийн газрын 67 дугаар тогтоолоор батлагдсан Эрсдлийн үнэлгээ хийх журмын 7.1–д заасан мэргэшлийн төрлийг харгалзах бөгөөд тусгай зөвшөөрлийг өмнө хүссэн хуулийн этгээд дахин хүсэлт гаргаж, гамшгийн эрсдэлийн үнэлгээ хийх мэргэшсэн чиглэлийг нэмж, өөрчилж болно.

Гамшгийн эрсдэлийн үнэлгээний Мэргэжлийн зөвлөлийн хуралдааны шийдвэрээр олгох “Гамшгийн эрсдлийн нарийвчилсан үнэлгээ хийх тусгай зөвшөөрөл”-ийг хүлээн авах хуулийн этгээд нь УИХ-аас 2020 оны 05 дугаар сарын 14-ний өдөр “Гамшгаас хамгаалах тухай хууль”-д оруулсан нэмэлт өөрчлөлттэй холбогдуулан тус хуулийн 7 дугаар зүйлийн 7.3.5 дахь хэсэг, “Улсын тэмдэгтийн хураамжийн тухай хууль”-ийн 21 дүгээр зүйлийн 21.1.36 дахь хэсэгт заасан тэмдэгтийн хураамж төлөхийг анхаарна уу.

Холбогдох бичиг баримтууд: (Линкүүд дээр дарж танилцана уу)

  1. Онцгой байдлын ерөнхий газрын даргын А/192 тоот тушаал https://nema.gov.mn/wp-content/uploads/2019/06/%D1%82%D1%83%D1%88%D0%B0%D0%B0%D0%BB.pdf
  2. Гамшгаас хамгаалах тухай хууль https://www.legalinfo.mn/law/details/12458?lawid=12458
  3. Галын аюулгүй байдлын тухай хууль https://www.legalinfo.mn/law/details/11222
  4. Аж ахуйн үйл ажиллагааны тусгай зөвшөөрлийн тухай хууль https://www.legalinfo.mn/law/details/34/
  5. Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль https://www.legalinfo.mn/law/details/397
  6. Улсын тэмдэгтийн хураамжийн тухай хууль https://www.legalinfo.mn/law/details/515
  7. Гамшгийн эрсдэлийн үнэлгээ хийх журам http://nema.gov.mn/wp-content/uploads/2018/02/%D0%93%D0%90%D0%9C%D0%A8%D0%93%D0%98%D0%99%D0%9D-%D0%AD%D0%A0%D0%A1%D0%94%D0%AD%D0%9B%D0%98%D0%99%D0%9D-%D2%AE%D0%9D%D0%AD%D0%9B%D0%93%D0%AD%D0%AD-%D0%A5%D0%98%D0%99%D0%A5-%D0%96%D0%A3%D0%A0%D0%90%D0%9C.pdf

 

Нэмэлт мэдээлэл авах утас: 263579, 263585, 263547

 

Эх сурвалж: Онцгой Байдлын Ерөнхий Газар