2020/10/01
Америк доллар
МОНГОЛ БАНК:
2,854.72₮
B30
УЛААНБААТАР
|
-2°
B30
УЛААНБААТАР
|
-7°
B30
УЛААНБААТАР
|
-6°
13:00
S26
-1°
14:00
S30
15:00
S30
16:00
S30
17:00
S30
18:00
S30
-1°
19:00
S29
-3°
20:00
S31
-4°
21:00
S31
-4°
22:00
S31
-5°
23:00
S31
-6°
00:00
S31
-6°
Энэ мэдээ хуучирсан буюу 2020/03/26 -нд нийтлэгдсэн мэдээ болно.

Ц.Сандуй, А.Ганбаатар нарын цагдан хорих арга хэмжээг өөрчилж, хилийн хориг тавьжээ

Г.Мөрөн, iKon.mn
2020 оны 3 сарын 26
iKon.MN
Зураг
Гэрэл зургийг Mpa.mn

2019 оны аравдугаар сард шүүхээс НИТХ-ын дарга асан Ц.Сандуй болон МАН-ын гишүүн байсан А.Ганбаатар нарт тус бүр дөрвөн жилийн хорих ял оноосон билээ. Харин тэдний цагдан хорих таслан сэргийлэх арга хэмжээг өөрчилсөн байна.

Тодруулбал, Нийслэлийн прокурорын газраас ирүүлсэн саналыг үндэслэн Ц.Сандуй, А.Ганбаатар нарт хилийн хориг тавьж, Г.Доржзодов, М.Энхболд, М.Өлзий, Т.Анхбаяр нартай уулзахыг хориглох шийдвэрийг Баянгол дүүргийн эрүүгийн хэргийн анхан шатны шүүхээс гаргасан байна. Өөрөөр хэлбэл, тэднийг батлан даалтад гаргажээ.

А.Ганбаатар, Ц.Сандуй нар “60 тэрбум”-ын гэх хэрэгт буруутгагдсан билээ.

Шүүхээс ирүүлсэн мэдээлэл /2020.03.26/:

Нийслэлийн прокурорын газраас ирүүлсэн яллагдагч Ц.Сандуйн Цагдан хорих таслан сэргийлэх арга хэмжээг өөрчилж,  хязгаарлалт тогтоолгох таслан сэргийлэх арга хэмжээ авах тухай саналыг  Баянгол дүүргийн эрүүгийн хэргийн анхан шатны шүүх 2020 оны 3 дугаар сарын 24-ний өдөр хүлээн авч хянан хэлэлцэв.

Шүүхийн хэлэлцүүлэгт Нийслэлийн  прокурорын газрын прокурор Ц.Сүхбат, А.Ганбулган нарын гаргасан “Цагдан  хорих таслан сэргийлэх арга хэмжээг өөрчилж,  хязгаарлалт тогтоолгох таслан сэргийлэх арга хэмжээ авах тухай  санал”-ыг үндэслэн эрүүгийн хэрэг хянан шийдвэрлэх ажиллагаанд саад учруулахгүй байх  зорилгоор 2020 оны 3 дугаар сарын 24-ний өдрөөс эхлэн Монгол улсын хилээр гарахыг хязгаарлах,  А.Ганбаатар, Г.Доржзодов, М.Энхболд, М.Өлзий, Т.Анхбаяр нартай уулзахыг  хориглох “Хязгаарлалт тогтоох” таслан сэргийлэх арга хэмжээг эрүүгийн хэргийг шийдвэрлэж дуустал авч шийдвэрлэлээ.

Гэрэл зургийг Mpa.mn

Нийслэлийн прокурорын газраас  ирүүлсэн  яллагдагч А.Ганбаатарын Цагдан  хорих таслан сэргийлэх арга хэмжээг өөрчилж,  хязгаарлалт тогтоолгох таслан сэргийлэх арга хэмжээ авах тухай саналыг  Баянгол дүүргийн эрүүгийн хэргийн анхан шатны шүүх 2020 оны 3 дугаар сарын 24-ний өдөр хүлээн авч хянан хэлэлцэв.

Шүүхийн хэлэлцүүлэгт Нийслэлийн  прокурорын газрын прокурор Ц.Сүхбат, А.Ганбулган нарын  гаргасан “Цагдан  хорих таслан сэргийлэх арга хэмжээг өөрчилж,  хязгаарлалт тогтоолгох таслан сэргийлэх арга хэмжээ авах тухай  санал”-ыг үндэслэн эрүүгийн хэрэг хянан шийдвэрлэх ажиллагаанд саад учруулахгүй байх  зорилгоор 2020 оны 3 дугаар сарын 24-ний өдрөөс эхлэн Монгол улсын хилээр гарахыг хязгаарлах, Ц.Сандуй, Г.Доржзодов, М.Энхболд, М.Өлзий, Т.Анхбаяр нартай уулзахыг  хориглох “Хязгаарлалт тогтоох” таслан сэргийлэх арга хэмжээг эрүүгийн хэргийг шийдвэрлэж дуустал авч шийдвэрлэлээ.

x