"Агаарын такси төслийг Францын компани хариуцаж хийнэ, "Оюуны ундраа" групптэй огт хамаагүй"
Нийслэлийн авто замын түгжрэлийг бууруулах, нийтийн тээврийг хөгжүүлэх цогц төслийг нийслэлийн Засаг дарга С.Амарсайхан өнгөрсөн сард танилцуулсан юм.
Тэрбээр тус төсөлд Агаарын дүүжин тээвэр багтсан бөгөөд ирэх дөрөвдүгээр сард ажлыг эхлүүлж, 2021 оны зургаадугаар сард эхний маршрут буюу Баянхошуу, Ханын материал, 3,4 дүгээр хороолол чиглэлийг ашиглалтад оруулах тухай хэлж байв.
Гэвч Агаарын дүүжин тээврийг "хувийн компанийн төслийн шахаа. Агаарын такси нь Оюуны Ундраа группийн төсөл байжээ" гэсэн мэдээлэл цахим орчинд таржээ.
Энэ талаар нийслэлийн Хэвлэл, мэдээлэл олон нийттэй харилцах хэлтсийн дарга Ц.
Тэрбээр "Өмнө нь 2014 онд Оюуны ундраа групп Зайсан орчимд аялал жуулчлалын чиглэлээр тийм төсөл танилцуулж байсан ч тэр нь одоо бидний танилцуулаад буй Агаарын такси төсөлд огт хамаагүй бөгөөд зориулалт нь өөр.
Учир нь Агаарын такси төсөл бол нийтийн тээврийн үйлчилгээнд ашиглах зориулалттайгаас гадна чиглэл нь ч өөр буюу Долоон буудал, Баянхошуу зэрэгт чиглэлтэй.
Харин Оюуны ундраа группийн төсөл нь аялал жуулчлалын бүсэд агаарын дүүжин тээвэр татахаар зориулж байсан юм билээ.
Тэр төсөл нь хэрэгжээгүй бөгөөд зогссон.
Өнөөдрийн нийтийн тээврийн үйлчилгээнд нэвтрүүлэх Агаарын такси төслийг энэ чиглэлийн нийтийн тээврийн үйлчилгээг дэлхийн 50 гаруй улсад хэрэгжүүлсэн туршлагатай Францын компани хариуцаж ажиллана" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
