"Ердийн сургалт явуулах зөвшөөрөлтэй мөртлөө олон улсын хөтөлбөртэй гэж өндөр төлбөртэй сургалт явуулж байна"
Мэргэжлийн хяналтын ерөнхий газраас сургууль, цэцэрлэгт хийсэн шалтгалтын дүнгийн талаар өнөөдөр мэдээлэл хийлээ.
Шалгалтын дүнгийн талаар МХЕГ-ын Эрүүл мэндийн хяналтын хэлтсийн дарга Д.Баярболд “ЕБС-ийн 1-5 дугаар ангийн багш нараас эрүүл мэндийн урьдчилан сэргийлэх үзлэг буюу сүрьеэгийн шинжилгээнд 20 гаруй хувь нь хамрагдаагүй байсныг хяналт шалгалтын явцад илрүүлж, үзлэгт хамруулсан.
Мөн олон улсын хөтөлбөрийн сургалттай ерөнхий боловсролын сургалт эрхлэх тусгай зөвшөөрлийн нөхцөл шаардлагад төлөвлөгөөт урьдчилсан сэргийлэх шалгалт хийгдэж байгаа.
Ердийн болон гүнзгийрүүлсэн сургалт явуулах тусгай зөвшөөрөлтэй мөртлөө олон улсын хөтөлбөртэй сургууль мэтээр олон нийтэд мэдээлж, өндөр төлбөртэй сургалт явуулж байгаа байдал илэрлээ.
Мөн сургалтын хөтөлбөр төлөвлөгөөг зохих журмын дагуу боловсруулж холбогдох газруудад батлуулаагүй, багшийн хангамж дутагдалтай зэрэг нийтлэг дутагдал гарч байна” гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
9 СЭТГЭГДЭЛТЭЙ
|
