2019/09/22
Америк доллар
МОНГОЛ БАНК:
2,667.91₮
B30
УЛААНБААТАР
23°
|
B30
УЛААНБААТАР
25°
|
11°
B30
УЛААНБААТАР
26°
|
11°
07:00
S32
08:00
S32
09:00
S32
10:00
S32
14°
11:00
S32
18°
12:00
S32
20°
13:00
S32
22°
14:00
S32
23°
15:00
S32
23°
16:00
S32
23°
17:00
S30
22°
18:00
S30
19°

Орос улс анхны хүн дүрст роботоо сансарт хөөргөлөө

Р.Түвшин, iKon.mn
2019 оны 8 сарын 22
iKon.MN

Өнөөдөр өглөө ОХУ анхны хүн дүрст роботоо сансарт хөөргөлөө. Федор (Final Experiment Demonstration Object Research үгсийн товчлол) нэртэй робот Олон Улсын Сансрын Станцад 10 өдрийг өнгөрөөхдөө сансрын нисгэгчдэд туслах арга техникт суралцах гэнэ.

Казахстан дахь Байконурын буудлаас Союз МС-14 хөлөг хөөрөхдөө сансрын нисгэгчгүй, зөвхөн Федор роботыг тээж явсан байна.

Уг хөлөг Бямба гарагт Олон Улсын Сансрын Станцтай залгагдаж, есдүгээр сарын 7 хүртэл ажиллах юм.

Федор нь тойрог замд хүртлээ Оросуудын бүтээсэн шинэ аврах системийг турших ажээ.

Тэрээр пуужин хөөрөх үед сансрын нисгэгчийн суудалд гартаа ОХУ-ын далбаа барьж суугаад Гагарины хэлдэг алдарт үгийг (Поехали!) хэлж байжээ.

Федор нь 1.8 метр өндөр, 160 кг жинтэй. Тойрог замд очоод цахилгааны кабелуудыг залгах, салгах, төрөл бүрийн багаж хэрэгслийг ажиллуулах зэрэг дадлагыг жингүйдлийн орчинд гүйцэтгэх юм.

Ингэхдээ хүний хөдөлгөөнийг хуулбарлан хийхээр бүтээгджээ. Өөрөөр хэлбэл станцад байгаа сансрын нисгэгч, эсвэл дэлхий дээр байгаа хүний үйл хөдлөлийг дагаж хийх юм.

Туршилт амжилттай болбол Федор нь хүн гүйцэтгэхэд аюултай ажлыг, тухайлбал задгай сансарт хийгдэх ажлуудыг гүйцэтгэдэг болно.

Федор нь сансарт ниссэн анхны хүн дүрст робот биш. 2011 онд General Motors компанийн бүтээсэн Robonaut 2 роботыг NASA тойрог замд илгээж байсан нь Федортой адилхан үүрэг гүйцэтгэх зориулалттай байв.

Энэ роботод техникийн гэмтэл гарснаас 2018 онд дэлхий рүү буцааж байжээ.

2013 онд япончууд Toyota компанийн бүтээсэн Kirobo хэмээх жижиг робот туслагчийг сансарт илгээж байсан юм. Уг робот нь зөвхөн япон хэлээр ярьдаг байсан бөгөөд Олон Улсын Сансрын Станцын анхны япон ахмадтай цуг ажиллаад буцаж байжээ.

 

Эх сурвалж: AFP

 

x