Уншиж байна ...
Зураг
Зураг
ХУУЧИРСАН МЭДЭЭ: 2019/06/28-НД НИЙТЛЭГДСЭН

Ж.Мөнхбат гишүүнээ "нөгөө" харьцуулалтаа дахиад нэг хийж өгөөч

Б.Ану
2019 оны 6 сарын 28
iKon.MN
00:00 00:00
Ж.Мөнхбат гишүүнээ "нөгөө" харьцуулалтаа дахиад нэг хийж өгөөч
Sara, ikon.mn - text to speech

2016 оны зургаадугаар сарын 29-нд буюу одоогоос гурван жилийн өмнө УИХ-ын ээлжит сонгууль болж МАН үнэмлэхүй ялалт байгуулж УИХ-ын 76 суудлын 65-ыг "авсан" билээ.

Тэгвэл 2014 онд сөрөг хүчин байсан МАН-ын Ерөнхий нарийн бичгийн дарга Ж.Мөнхбат төгрөгийн ханш хэрхэн суларч байгааг уран яруу харьцуулалттайгаар намынхаа нэгэн хурлын үеэр ярьсан байсныг та бүхэн санаж байгаа байх.

Бичлэг:

Тэгвэл МАН ялснаас хойш гурван жил өнгөрч байна. Гэтэл төгрөг чангарах нь битгий хэл өнөөдрийн байдлаар гэхэд ам.долларын эсрэг 713 төгрөгөөр сулраад байна. 

Тодруулбал, УИХ-ын сонгууль болохоос нэг хоногийн өмнөх өдөр буюу 2016 оны зургаадугаар сарын 28-нд ам.доллартай харьцах төгрөгийн ханш 1,962 төгрөг байжээ. Гэтэл өнөөдрийн буюу гурван жилийн дараах ханш 2,657.51 ТӨГРӨГТ ХҮРСЭН БАЙНА.

Өөрөөр хэлбэл гурван жилийн өмнөхөөс төгрөгийн ханш 35.4% суларсан байх юм.

Тухайн үед буюу 2016 онд эдийн засгийн хямралтай, Монгол Улсын орлогын эх үүсвэр болсон экспортын голлох түүхийн эдийн үнэ ханш буусан, гадаадын хөрөнгө оруулалт буурсан, Олон Улсын Валютын Сангүй өдрүүд байсныг сануулах нь илүүц биз.

Тэгвэл өнөөдөр энэ бүх үзүүлэлт сайжирч эдийн засгийн өсөлтөө бид магтан сайшаан сууж байна.

Тэгвэл яагаад манай үндэсний мөнгөн тэмдэгтийн ханш улам бүр шалдаа бууж иргэдийн худалдан авах чадварт сөргөөр нөлөөлсөөр байна вэ? 

Ж.Мөнхбат гишүүнээ та "нөгөө" харьцуулалтаа дахиад нэг хийж өгөөч.