2019/09/15
Америк доллар
МОНГОЛ БАНК:
2,670.87₮
B30
УЛААНБААТАР
12°
|
B30
УЛААНБААТАР
16°
|
B30
УЛААНБААТАР
13°
|
21:00
S31
22:00
S31
23:00
S31
00:00
S31
01:00
S31
02:00
S29
03:00
S29
04:00
S29
05:00
S29
06:00
S29
07:00
S30
08:00
S30
Энэ мэдээ хуучирсан буюу 2019/05/10 -нд нийтлэгдсэн мэдээ болно.

Амралтын өдөр хүмүүсийг эмчилдэг Бутаны ерөнхий сайд

Э.Сэмүүн, ikon.mn
2019 оны 5 сарын 10
iKon.MN

Хималайн уулсын дунд оршдог бяцхан вант улс Бутаны ерөнхий сайд Лотай Цэрин бол улсдаа нэртэй мэс заслын эмч юм.

2008 онд хэмжээлшгүй эрхт хаант засаглалаа халсан Бутан улс өнгөрсөн хугацаанд гурван удаа чөлөөт сонгууль явуулаад байгаа. Хамгийн сүүлийн сонгуулийн дараа Цэрин эмч 2018 оны арваннэгдүгээр сард ерөнхий сайдаар томилогджээ.

Одоо тэр ажлын өдрүүдэд ерөнхий сайдын албыг хашаад, Бямба гараг бүр эмнэлэгт ажиллаж, өвчтөнүүдэд мэс засал хийдэг байна. Ерөнхий сайдын гэр бүлдээ зарцуулдаг ганц өдөр нь Ням гараг ажээ.

Гэхдээ ерөнхий сайд Цэрин энэ ажилдаа дуртай бөгөөд “Би нас эцэслэх хүртлээ энэ ажлыг хийсээр байх болно. Өдөр бүр би ажилд явах замдаа жолоогоо эмнэлэг рүү эргүүлмээр санагддаг” хэмээн ярьж байна.

 

“Эмнэлэгт би хүмүүсийн эрүүл мэндийг шалгадаг. Засгийн газарт би бодлогын эрүүл зөв байдлыг шалгаж, сайжруулахыг хичээдэг” гэж тэр хийдэг ажлуудаа харьцуулсан юм. Бутанчуудын хувьд ерөнхий сайдаараа эмчлүүлэх нь нэр төрийн хэрэг  байдаг ажээ.

Энэтхэг, Хятадын завсар хавчуулагдсан Бутан улс 750,000 орчим хүн амтай. Алс бөглүү газарзүйн байрлалтай энэ орны байгаль нь онгон дагшин хэвээр, ямар ч амьтны амийг хөнөөх хориотой, хүлэмжийн хий бараг үйлдвэрлэдэггүй. Энэ байдлаа хамгаалж үлдэхийн тулд Бутаны засгийн газар гадаадын жуулчдад өдөрт хамгийн багадаа $250 зарцуулах босго шаардлага тавьж, тоог нь хязгаарладаг.

 

Хүн ам нь Буддын шашинтай, Ази тивдээ хамгийн аз жаргалтай иргэдтэй орноор тогтмол шалгардаг хэдий ч энэ улсад ажилгүйдэл, гэмт хэргийн өсөлт, таргалалт, чихрийн шижин өвчний тархац зэрэг нийгэм, эрүүл мэндийн тулгамдсан асуудлууд бий.

 

Эх сурвалж: AFP

 

x