Шорвог хоол идэхэд ам цангахын учир ба натри

Арван жилийн сургуульд химийн хичээл үзсэн хүн бүр натри хэмээх химийн элементийг мэддэг, сонссон нь гарцаагүй.

Натри бусад химийн элементүүдийг бодвол өдөр тутам бидний хүнсэнд хэрэглэгддэг.

Хоолны давс, хүнсний сод нь тэр чигээрээ натри. 

Бусад элементийн нэгэн адил бидний биед тодорхой хэмжээгээр байж, олон үүрэг гүйцэтгэдэг энэ элементийн талаар өнөөдөр танилцуулах болно.

Натри эд эрхтний шингэнийг өөртөө татдаг шидтэй. Давс ихтэй шорвог хоол идвэл ам цангадгийн учир энэ.

Натрийн биед гүйцэтгэдэг үүрэг, ихэдвэл бас багадвал юу болох талаар энэ нийтлэлээс уншаарай.

НАТРИ ИЙМ ҮҮРЭГТЭЙ:

• Биеийн шингэний тэнцвэрийг барихад оролцдог
• Нүүрс хүчлийн хийг тээвэрлэж, биеэс зайлуулах үүрэгтэй
• Уургийн солилцоонд оролцоно
• Ходоодны хүчил үүсэлтэд нөлөөлнө
• Бөөрөөр хорт бодис ялгарах үйл ажиллагаанд оролцоно
• Нойр булчирхай, шүлсний булчирхайн ферментүүдийг үүсэхэд нөлөөлнө.

Хоногт 4-6 г натри  хүний биед шаардлагатай байдаг. Биеийн хэт ачаалал, хэт халуун цаг агаар зэргээс шалтгаалан натрийн зарцуулалт ихэсдэг.

ЯМАР ХҮНСНЭЭС АВЧ БОЛОХ ВЭ?

 

Улаан лооль, вандуй, хар чавга, тоор, төмс, алим, тарвас, жүрж, лимон зэрэг ногоо, жимсэнд натри ихээр агуулагддаг.

НАТРИ БИЕД ДУТАГДАХ

Доорх шалтгаануудын улмаас натрийн дутагдал үүсч болно.

• Бөөрний дээд булчирхай, өнчин тархины өвчин, бөөр, гэдэсний архаг үрэвсэл, мэдрэл, дотоод шүүрлийн хямралууд 
• Тархины гэмтэл
•  Хөлс ихсэх, бөөлжиж, суулгаснаас натригаа алдах 
• Түлэгдсэний дараа
•  Кальци, кали биед илүүдэх.

Натри дутагдаж байгаагийн шинж тэмдгүүд:

 

• Шалтгаангүйгээр турна
• Бие суларна
• Арьсан дээгүүр тууралт гарна
• Ус унана
• Суулгана
• Таталт өгнө
• Цусны эргэлтийн хямрал үүсэх
• Мэдрэлийн тогтолцооны хямрал үүснэ.

НАТРИ БИЕД ИЛҮҮДЭХ

•  Натрийн солилцоо алдагдах
•  Натрийн хэт өндөр агууламжтай бүтээгдэхүүн хэрэглэх
•  Усны дутагдалд орох.

Натри биед илүүдсэний шинжүүд:

 

• Ам цангах
• Ядрах
• Цочромтгой болно
• Цусны даралт ихэснэ
•  Бөөрний үйл ажиллагаа хямарна
•  Яс сийрэгжинэ.