Дэлхийн улс орнууд Олимпийн АЛТАН медалийг хэрхэн үнэлж байна вэ?

Дэлхийн улс орнууд Олимпийн алтан медальд янз бүрийн хэмжээний мөнгөн шагнал амлаж байна. Зарим нь бүр огт шагнадаггүй гэнэ.

Тэдгээрээс сонирхуулбал:

• Сингапур улс өмнө нь ганц ч алт авч байгаагүй ба энэ жилийн алтан медальтнуудад 1 сая Сингапур доллар буюу 745,000 ам.доллар амлаж байгаа нь хамгийн дээд үзүүлэлт болж байна.
• Индонези улс нийтдээ зургаан алтан медаль Олимпоос хүртэж байсан ба энэ жилийн шагнал нь $380,000 ам.доллар. Үүнээс гадна насан туршид нь сар бүр $1,500-г олгох гэнэ.
• Филиппин улс ганц ч алтан медаль авч байгаагүй ба амлаж буй шагнал нь $212,000. Үүнээс гадна нэрт боксчин Мэнни Пакьяо $100,000 хувиасаа амлаад байгаа гэнэ.
• Олимпийн 13 алтан медальтай Эстони улс энэ жил алтан медальд $111,000 амлажээ.

Харин өндөр хөгжилтэй орнууд харьцангуй бага мөнгөн шагналтай боловч нийт алтан медальтнуудад өгдөг нийлбэр дүн нь маш өндөр болдог аж.

• АНУ алтан медальтанд $25,000 өгдөг. 2012 онд нийт алтан медальтнууддаа $3,675,000 төлсөн нь түүхэн дээд хэмжээ гэнэ.
• Герман улс алтан медальтанд $24,000 төлдөг бол Франц $60,000 төлдөг.
• Орос улс энэ жил алтан медальд $60,000 амлаж байгаа ба 2012 онд эдийн засаг гайгүй байхдаа үүнээс хоёр дахин ихийг амлаж, нийт алтан медальтнууддаа $6,700,000 төлж байжээ.
• Өмнөд Солонгос алтан медальд $54,000 амлаж байгаа ба үүнээс гадна заавал хаах ёстой хоёр жилийн цэргийн албанаас чөлөөлдөг байна.

Харин Их Британи, Норвеги, Швед зэрэг улсууд Олимпоос ямар ч медаль хүртсэн мөнгөн шагнал огт өгдөггүй гэнэ.

Энэ бүхнээс харахад их мөнгө амлах тусам алтан медалийн тоо нэмэгддэггүй бололтой.

Эх сурвалж: Quartz