Британийн Парламент дахь Бүх намын Монголын бүлгийг дахин байгуулах, харилцан айлчлал зохион байгуулах талаар ярилцжээ
Монгол Улсаас Их Британи, Умард Ирландын Нэгдсэн Хаант Улсад суугаа Элчин сайд Б.Энхсүх Британийн Парламентын Нийтийн танхимын дэд дарга Жудит Камминс-тай энэ оны 11 дүгээр сарын 28-ны өдөр уулзжээ.
Элчин сайд Б.Энхсүх Дэд дарга Жудит Камминст 2024 оны сонгуулиар парламентын гишүүнээр дахин сонгогдож, улмаар Нийтийн танхимын дэд даргаар томилогдсонд баяр хүргэлээ.
Нийтийн танхим нь гурван дэд даргатай байдаг бөгөөд нэг нь эрх баригч намаас, нөгөө хоёр нь сөрөг хүчнээс сонгогддог. Жудит Камминс нь Хөдөлмөрийн намаас дэд даргаар сонгогдсон бөгөөд 2015 оноос хойш парламентын гишүүнээр ажиллаж буй.
Эх сурвалж: Монгол Улсаас ИБУИНХУ-д суугаа Элчин сайдын яам
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
