Ц.Алдармаад холбогдох хэргийг нэмэлт мөрдөн байцаалтад буцаалаа
Дүүргийн Эрүүгийн хэргийн II шүүхээс “Шинэ үе” продакшны жүжигчин Ц.Алдармаа, Д.Оюунтуул нарт холбогдох хэргийг шүүн хэлэлцээд, Ц.Алдармаад долоон жил 10 хоног хорих ял, Д.Оюунтуулд хөдөлмөрийн хөлсний доод хэмжээг 10 дахин нэмэгдүүлсэнтэй тэнцэх мөнгөн торгууль оноосон юм.
Жүжигчин Ц.Алдармаа анхан шатны шүүхийн шийдвэрийг эсэргүүцэн давж заалдсан юм. Иймээс Эрүүгийн хэргийн Давж заалдах шатны 10 дугаар шүүхэд өнөөдөр Ц.Алдармаа, Д.Оюунтуул нарт холбогдох хэргийн хурал боллоо.
Давж заалдах шатны шүүхээс Ц.Алдармаад холбогдох хэргийг хянаж үзээд "Гэмтлийн зэрэг тодорхойлох явцад ойлгомжгүй зүйл байна" гэж үзсэн учир нэмэлт мөрдөн байцаалтад буцаажээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
