Костюм өмсдөг CEO найдваргүй
Технологийн стартап компаниудад хөрөнгө оруулдаг, тэрбумтан Питер Тиел “Zero to One” нэртэй номоо гаргаж байгаа билээ.
Facebook, Yelp, LinkedIn компаниудад амжилттай хөрөнгө оруулж байсан Тиел уг номондоо технологийн бизнес болон хувцаслалтын талаар үзэл бодлоо дэлгэжээ.
Түүнийхээр бол Тиел хэзээ ч костюм өмссөн CEO-ийн компанид хөрөнгө оруулалт хийдэггүй гэнэ.
Энэ үзэл нь түүнийг олон удаагийн үр ашиггүй хөрөнгө оруулалтаас аварч байжээ. Тэр сулхан бүтээгдэхүүнийг “ухаантай” захирал од болгодог үлгэрт итгэдэггүй.
Ер нь стартап компаний соёлд “юүдэнтэй цамцтай залуу” гэсэн удирдагчийн стандарт нэг мөр төлөвшсөн юм байна.
Тиймээс “костюмыг үзэн яддаг” залуус л дэлхийг өөрчлөх бүтээгдэхүүн хийж чаддаг ажээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
