Б.Бат-Эрдэнэ аварга төрсөн өдрөө мартчихсан сууж байжээ

Монгол Улсын дархан аварга, УИХ-ын гишүүн Б.Бат-Эрдэнийн төрсөн өдөр маргааш болно. Тэрбээр 50 нас хүрэх юм байна.

Уламжлал ёсоор УИХ-ын дарга З.Энхболд төрсөн өдрийн мэндчилгээ дэвшүүлж, ажлын амжилт, эрүүл энх сайн сайхныг  хүслээ. Маргааш амралтын өдөр учраас өнөөдөр мэндчилгээ дэвшүүлсэн юм.

Харин аварга өөрөө төрсөн өдрөө мартчихсан сууж байсан гэнэ. Энэ тухай цахим хуудсандаа бичжээ.

Товч намтар

УИХ-ын гишүүн Б.Бат-Эрдэнэ 1982 онд Хэнтий аймгийн Өмнөдэлгэр сумын 10 жилийн дунд сургууль,1990 онд Цэргийн дээд сургуулийг эрх зүйч мэргэжлээр  төгссөн. Хууль зүйн магистрын зэрэгтэй. 1983-2000 онд Биеийн тамир спортын *Хүч* нийгэмлэгт тамирчин, орлогч дарга, дарга, 1999-2004 онд “Аварга” биеийн тамирын дээд сургуулийн захирлаар ажиллаж байсан.

2004 оноос хойш 3 дах удаагаа УИХ-ын гишүүнээр сонгогдож,  2009-2010 онд УИХ-ын Хууль зүйн байнгын хорооны даргаар ажиллаж байв. Орос, англи хэлтэй.

Гавъяа шагналууд:

- 1989  онд Монгол Улсын гавъяат тамирчин
- 1990 онд Монгол Улсын дархан аварга
- 1991 онд Ардын хувьсгалын 70 жилийн ойн медаль
- 1998 онд Монгол Улсын Хөдөлмөрийн баатар
- 2001 онд Ардын хувьсгалын 80 жилийн ойн медаль,
- 2006 онд Их Монгол Улс байгуулагдсаны 800 жилийн ойн хүндэт медалиар тус тус шагнагдсан
- 2012 онд Байгаль орчны тэргүүний ажилтан болжээ.

Үндэсний бөхийн амжилтууд:

Монгол Улсын Хөдөлмөрийн баатар, дархан аварга Б.Бат-Эрдэнэ улсын баяр наадамд нийтдээ 186 давсан ба 12 удаа түрүүлжээ.

• 1985 онд 5 давж улсын начин
• 1986 онд 7 давж улсын заан
• 1987 онд 7 давсан
• 1988 онд 9 давж түрүүлэн улсын арслан
• 1989 онд 9 давж түрүүлэн улсын аварга
• 1990 онд 9 давж түрүүлэн даян аварга болсон.
• Мөн онд Монголын Нууц Товчооны 750 жилийн ойн даншигт 10 давж түрүүлэн дархан аварга болсон
• 1991 онд 7 давсан
• 1992 онд 9 давж түрүүлсэн
• 1993 онд 9 давж түрүүлсэн
• 1994 онд 10 давж түрүүлсэн
• 1995 онд 9 давж түрүүлсэн
• 1996 онд 9 давж түрүүлсэн
• 1997 онд 9 давж түрүүлсэн
• 1998 онд 9 давж түрүүлсэн
• 1999 онд 9 давж түрүүлсэн
• 2000 онд 7 давсан
• 2001 онд 9 давж үзүүрлэсэн
• 2002 онд 7 давсан
• 2003 онд 7 давсан
• 2004 онд 6 давсан
• 2005 онд 6 давж шөвгөрчээ
• 2006 онд 8 давж дөрөвт үлдэж байжээ.