“Биокомбинат” ТӨҮГ-ын гүйцэтгэх захирлаар Б.Онолбаатарыг томилжээ
Төрийн өмчийн хорооны шийдвэрээр “Биокомбинат” төрийн өмчит үйлдвэрийн газрын гүйцэтгэх захирлаар Б.Онолбаатарыг томиллоо.
Б.Онолбаатарын товч намтар
1975 онд төрсөн, 1993-1998 онд ХААИС-ийн Мал эмнэлгийн факультетыг дүүргэн, 2013 онд Шинэ Зеландын Массейн их сургуульд магистрын зэрэг хамгаалжээ.
Ажлын туршлагын хувьд 2003-2007 онд АНУ-ын Сакраментогийн мал эмнэлгийн төв, 2005-2006 онд тус улсын Дэвисийн их сургуульд туслах эмч хийж байжээ.
Үүнээс гадна 1998-2002, 2007-2008 онд “Монгол Ви-И-Ти-Нет Төрийн бус байгууллагад зөвлөхөөр, 2008-2013 онд Монгол Улсын Засгийн газар, Дэлхийн банкны хэрэгжүүлсэн төслийн мэргэжилтнээр ажиллаж байсан байна.
“Биокомбинат” ТӨҮГ-ын гүйцэтгэх захирлын сонгон шалгаруулалтад 12 хүн материалаа ирүүлсэн юм байна.
Эх сурвалж: Төрийн өмчийн хороо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
