Өчигдөр өдөр төвийн аймгуудын нутгаар 1-10 градусаар сэрүүсжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Өчигдөр өдөр төвийн аймгуудын нутгаар 1-10 градусаар сэрүүссэн талаар цаг уурын байгууллагаас мэдээллээ. 

Өнөөдөр Алтайн уулархаг нутаг, говь, тал, хээрийн нутгаар салхи шуургатай, ихэнх нутгаар сэрүүхэн байна. 

 

ЦУОШГ

Ирэх тав хоногт: 

Зургаадугаар сарын 5-ныг хүртэл нутгийн зүүн хагаст сэрүүхэн байх боловч 6-наас ихэнх нутгаар дулаарах төлөвтэй байгаа юм байна. 

Хур тунадас:

• 02-нд Алтай, Хангай, Хөвсгөл, Хэнтийн уулархаг нутаг, говийн бүс нутгийн баруун хэсгээр,
• 03, 04, 05-нд төв, говь, зүүн аймгуудын нутгийн зарим газраар,
• 06, 07, 08-нд төв болон зүүн аймгуудын нутгийн хойд хэсгээр бороо, дуу цахилгаантай аадар бороо, уулаараа нойтон цас орно.

Салхи:

Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ.

Агаарын температур:

• 05-ныг хүртэл нутгийн зүүн хагаст сэрүүхэн Монгол-Алтай, Дархадын хотгор, Хүрэнбэлчир орчим, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын голын хөндийгөөр шөнөдөө -3...+2 градус, өдөртөө +10...+15 градус дулаан,
• говийн бүс нутгийн өмнөд хэсгээр шөнөдөө +8...+13 градус, өдөртөө +20...+25 градус,
• бусад нутгаар шөнөдөө +2...+7 градус, өдөртөө +13...+18 градус дулаан байна.
• 06-наас ихэнх нутгаар дулаарна.

                     Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 05, 06-нд бага зэргийн бороо орно. 

Салхи: Ихэнх хугацаанд их төлөв баруунаас секундэд 5-10 метр, борооны өмнө салхи түр зуур ширүүснэ. 

Агаарын температур: 05-ныг хүртэл сэрүүхэн шөнөдөө +2...+7 градус, өдөртөө +13...+18 градус дулаан байна. 06-наас бага зэрэг дулаарна.