Монголд болж буй олимпын таеквондогийн үндсэн төрөлд иранчууд багийн дүнгээр тэргүүллээ
Монголд болж байгаа олимпын таеквондогийн Азийн Аварга Шалгаруулах Тэмцээн (ААШТ) үндсэн төрөл энэ сарын 21-нээс 24-нийг дуустал үргэлжилсэн юм.
Азийн 43 улсын 1,100 орчим тамирчин оролцож байгаа тус тэмцээнд Ираны тамирчид таван алт, нэг мөнгө, хоёр хүрэл медалиар тэргүүллээ.
Харин Өмнөд Солонгосын баг дөрвөн алт, дөрвөн мөнгө, зургаан хүрэл буюу нийт медалийн тоогоор бусдыгаа манлайлав.
Мөн Узбекистан, БНХАУ, Тайвань тус бүр хоёр алт, Йордан нэг алтан медаль зүүсэн байна.
Нийт 11 улс ямар нэгэн медаль хүртлээ.
Харин манай улсын хувьд нутагтаа болсон тэмцээнээс медаль хүртэж чадсангүй.
Өнөөдрөөс пара таеквондогийн төрөлд тамирчид хүчээ үзэж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
