Францын дарсны түүхэн брэнд Barton & Guestier 300 жилийн ойгоо тэмдэглэж байна – Монгол дахь албан ёсны түнш “Наран Фүүдс” ХХК

2025 он бол Францын дарсны урлагт тодоор бичигдэх онцгой жил. 1725 онд үүсгэн байгуулагдсан Barton & Guestier (B&G) компани дарсны ертөнцөд 300 жилийн түүхийг бүтээж, чанар, уламжлал, тогтвортой хөгжлийн жишиг болсон брэнд хэмээн үнэлэгдэж байна.

Монголын зах зээлд B&G дарсыг албан ёсоор нийлүүлж буй “Наран Фүүдс” компани 2020 оноос хойш тус брэндтэй хамтран ажиллаж, Францын дарсны өв соёлыг монгол хэрэглэгчдэд хүргэх эрхэм зорилгыг тууштай хэрэгжүүлж ирсэн билээ. Өдгөө 5 жилийн хамтын ажиллагааны хүрээнд бид Barton & Guestier-ийн түүхэн амжилт, үнэт зүйлсийг Монголын дарс сонирхогчдод танилцуулж, чанартай, сэтгэлд хүрсэн дарсыг санал болгож ирсэндээ бахархаж байна.

B&G нь олон улсын нэр хүндтэй Wine Enthusiast сэтгүүлээс олгодог “Wine Star Awards)-аас “Оны шилдэг дарсны үйлдвэр” хэмээх шагналыг хүртсэн бөгөөд ECOVADIS-ийн тогтвортой байдлын үнэлгээгээр мөнгөн шошго авсан нь тэдний байгаль орчинд ээлтэй, ёс зүйтэй бизнесийн загварыг баталж буй хэрэг юм.

“Наран Фүүдс” компанийн хувьд Barton & Guestier-ийн 300 жилийн ой бол зөвхөн түүхэн амжилт биш, харин Монголын дарсны соёлд оруулж буй хувь нэмрийг тэмдэглэх онцгой мөч юм. Бид цаашид ч энэ хамтын ажиллагаагаа өргөжүүлж, Францын дарсны ид шидийг Монголын хэрэглэгчдэд улам ойртуулсаар байх болно.

 Онцлох бүтээгдэхүүнүүд ба шагналууд

1. Château Magnol - Бордо бүс нутгийн нэр хүндтэй энэхүү дарс нь Decanter World Wine Awards-аас 97 оноо, Platinum Medal хүртсэн. 2021 онд гарсан төрөл нь Mundus Vini Spring Tasting-аас Алтан медаль авсан бөгөөд James Suckling-оос 91–92 оноо авсан.

 

2. Rosé d’Anjou - Grolleau, Gamay усан үзмийн сортоос бүтсэн энэхүү Rosé дарс нь зөөлөн, жимслэг амттай, байгалийн чихэрлэг амттай. Gilbert & Gaillard 2021 тэмцээнээс Алтан медаль, Global Rosé Masters 2020-аас Мөнгөн медаль хүртсэн.

 

3. Merlot Réserve - Languedoc бүсээс гаралтай энэхүү Merlot  дарс нь хар чавга, ваниль-ийн амттай, зөөлөн танинтай. Бордо бүс нутгийн уламжлалт амтыг илэрхийлдэг. Gilbert & Gaillard тэмцээнээс Алтан медаль хүртсэн.

 

4. Cuvée Spéciale Rouge - нь Bordeaux бүсийн Cabernet Sauvignon, Merlot, Cabernet Franc усан үзмийн сортоос бүрдсэн, жимслэг, тэнцвэртэй амттай улаан дарс юм.