Сар шинийн баярын өдрүүдэд 492 мянга гаруй иргэн нийтийн тээврийн автобусаар үйлчлүүлжээ
Сар шинийн баярын амралтын өдрүүдэд буюу гуравдугаар сарын 1-5-ны өдрүүдэд нийслэл хотод нийтийн тээврийн 949 автобус өдөр бүр үйлчилгээнд гарчээ.
Энэ хугацаанд нийтийн тээврийн автобусаар нийт 492,794 иргэн зорчсон байна. Өнгөрсөн жилийн сар шинийн баяраар 807 автобус иргэдэд үйлчилсэн бөгөөд зорчигчдын тоо 10 гаруй хувиар бага байжээ.
Харин ажлын өдрүүдэд 1,000 гаруй автобус явдаг бөгөөд өнөөдөр 1,131 автобус иргэдэд үйлчилж байгаа аж.
Өнгөрсөн хоёрдугаар сарын 1-нээс нийтийн тээврийн автобусаар зорчих үнийг 1,000 төгрөг болгож нэмэгдүүлж, өдөрт дамжин суултыг үнэгүй болгоод буй. Ингэснээр 1,000 төгрөгөөр өдөрт дөрвөн удаа зорчдог болсон билээ. Өнөөдрийг хүртэл нийтийн тээврийн автобусны дамжин суулт гурав дахин буюу 30%-аар нэмэгджээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
