"Мөсөн өргөөний ойролцоох автобусны зогсоолыг тус цогцолборын нэршилтэй болгох эсэхийг иргэдийн саналаар шийднэ"

Хан-Уул дүүргийн 8 дугаар хорооны нутаг дэвсгэрт байрлах "Мөсөн өргөө" спорт цогцолборын ойролцоох нийтийн тээврийн зогсоолын нэршил нь спорт цогцолбороос өөр нэршилтэй байгаа тул тус цогцолборыг зорин ирж буй иргэд байршлыг олохгүй байна гэсэн гомдол удаа дараа Нийтийн Тээврийн Бодлогын Газарт иржээ.

Уг гомдлуудын дагуу тухайн нийтийн тээврийн автобусны зогсоолын нэршлийг өөрчлөх талаар https://forms.gle/e9dYRauJr7a8sDtx8 холбоосоор иргэдээс санал авч эхэлсэн байна. 

Тодруулбал тус хорооны нутаг дэвсгэр Шинэ яармаг хорооллын урд байрлах Шинэ яармаг хороолол (зүүн), замын эсрэг талд байрлах Буянт-Ухаа 2 (баруун) нийтийн тээврийн зогсоолуудын нэршлийг "Мөсөн өргөө" спорт цогцолборын нэрээр солих эсэхийг иргэдийн саналаар шийдвэрлэх аж.