"Таван шараас Хөшигийн хөндийн нисэх буудал руу нийтийн тээврийн автобус явдаг болсон. Төлбөр өөрчлөгдөөгүй"
Хөшигийн хөндий дэх "Чингис хаан" олон улсын нисэх буудал руу өдөрт нийтийн тээврийн хоёр автобус Х:19 “Чингис хаан нисэх буудал-Сүхбаатарын талбай” болон Х:20 “Чингис хаан олон улсын нисэх буудал-Буянт-Ухаа спорт цогцолбор” хоёр чиглэлд тус тус үйлчилгээнд явдаг байна.
Харин Х:20 “Чингис хаан олон улсын нисэх буудал-Буянт-Ухаа спорт цогцолбор” чиглэлийн замналыг өнөөдрөөс эхлэн Таван шарын автобусны зогсоол хүртэл сунгаж, Х:20 “Чингис хаан Олон улсын нисэх буудал-5 шар” болгожээ. Өөрөөр хэлбэл Таван шараас "Чингис хаан" олон улсын нисэх буудал хүртэл нийтийн тээврийн автобус явдаг болж байна.
Эх сурвалжаас тодруулснаар автобусны чиглэлийг сунгасан ч үйлчилгээний тариф хэвээр буюу том хүн 10,000, хүүхэд 5,000 төгрөгөөр мөн картаар үйлчлүүлнэ.
Харин Х:19 “Чингис хаан нисэх буудал-Сүхбаатарын талбай” чиглэлийн автобусанд том хүн 15,000, хүүхэд 7,000 төгрөгийг төлдөг байна.
Дээрх хоёр чиглэлд 06:20-22:30 цагийн хооронд БНХАУ-ын "Yutong" загварын автобус иргэдэд үйлчилдэг болохыг эх сурвалж мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
