Өнгөрсөн долоо хоногт гамшиг, аюулт үзэгдлийн улмаас 17 хүн нас баржээ
Улсын хэмжээнд өнгөрсөн долоо хоногт /2024.07.01-08/ нийслэлийн долоо дүүрэг, 19 аймгийн 36 суманд аюулт үзэгдэл, ослын 83 удаагийн дуудлага бүртгэгдлээ.
Төв, орон нутгийн Онцгой байдлын байгууллагын алба хаагчид үүрэг гүйцэтгэж, 18 иргэний амь насыг авран хамгаалжээ.
Харин гамшиг, аюулт үзэгдлийн улмаас 17 хүн нас барж, таван хүн гэмтэж бэртсэн байна.
Нийт дуудлагын 60 нь гал түймэр, 21 нь хүний үйл ажиллагаатай холбоотой осол, ус, цаг уурын гаралтай аюулт үзэгдэл нэг, биологийн гаралтай аюулт үзэгдлийн дуудлага нэг бүртгэгджээ.
Эх сурвалж: ОБЕГ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
