Н.Мягмар: Долдугаар сарын 13-нд допингийн шинжилгээний сорьцыг Герман улсад онгоцоор биечлэн хүргэнэ
Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмаар барилдах бөхчүүдийн допингийн шинжилгээг Герман улсад хийлгэх юм байна.
ХЗДХЯ-ны Төрийн нарийн бичгийн дарга, Үндэсний бөхийн салбар хорооны дарга Н.Мягмар "Үндэсний бөхийн допингийн шинжилгээг БНСУ-д хийлгэдэг байсан. Энэ удаад Герман улсын Дрезден хотын дэлхийн WADA-гийн итгэмжлэгдсэн лабораторид өгөхөөр шинжилгээг өгөхөөр ажиллаж байна. Энэхүү лаборатори сорьцыг хүлээж авснаас хойш 48 цагийн дотор хэвийн болон сэжигтэй эсэх хариуг гаргаж өгнө.
Хэрэв сэжигтэй хариу гарвал допингийн ямар төрлийн бодис хэрэглэснийг тодорхойлох эцсийн хугацаа нь 14-21 хоног байх юм.
Допингийн шинжилгээний сорьцыг биечлэн Герман улсад хүргэнэ. Бидэнд өгч буй мэдээллээр долдугаар сарын 13-ны нислэгээр Герман улсын Франкфуртад буугаад цагийн зөрүүгээр мөн өдрийн оройдоо Дрезден хотод очно.
Хоёрдугаарт энэ удаад үндэсний бөхийн засуул, хөлийн цэцдийн өмсгөлийг МҮБХ-ноос гаргасан загварын дагуу ижил болгоно. Ингэснээр гарын даа, хөлийн цэц, засуулууд ялгагддаг болно. Тэдний асар, майхны загвар хэмжээг шинэчилж байна." гэж ярилаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
