Шударга Өрсөлдөөн, Хэрэглэгчийн Төлөө Газрын нэрийг Монополын Эсрэг Газар болгон өөрчилжээ
Монгол Улсын Их Хурлаас энэ оны долдугаар сарын 10-ны өдөр Өрсөлдөөний тухай хуульд нэмэлт өөрчлөлт оруулсантай холбогдуулан УИХ-ын 13 дугаар тогтоолын дагуу Шударга Өрсөлдөөн, Хэрэглэгчийн Төлөө Газрын нэрийг Монополын эсрэг газар болгон өөрчиллөө.
Ерөнхий сайд Л.Оюун-Эрдэнэ 2024 оны долдугаар сарын 10-ны өдөр хамтарсан Засгийн газрын бүтэц бүрэлдэхүүнээ УИХ-д танилцуулж батлуулсан.
Ингэхдээ Засгийн газрын тохируулагч тус агентлагийг Монгол Улсын Шадар сайд Т.Доржхандын эрхлэх асуудлын хүрээнд Засгийн газрын хэрэгжүүлэгч агентлаг Монополын эсрэг газар болгон өөрчлөх санал оруулсныг УИХ-аас дэмжин баталсан юм.
Эх сурвалж: Монополын Эсрэг Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
