Я.Батбилэг: Дарханд орон сууцны дээвэр дээр өндөглөсөн ангир шувууг 13-н дэгдээхэйтэй нь Хараа голд тавьсан
Дархан-Уул аймгийн Дархан сумын тавдугаар багийн нутаг дэвсгэрт орон сууцны дээвэр дээр ангир шувуу өндөглөсөн байна.
Түүнээс үргэлжлүүлэн тодруулахад "Тухайн байрны оршин суугч иргэн өчигдөр манайд дуудлага мэдээлэл өгсөн. Биднийг очиход 13-н дэгдээхэй, эхтэйгээ хамт байсан.
Дуудлага өгсөн иргэн дэгдээхэйнүүдийг эхийнх нь хамт зориулалтын хайрцагт хийгээд барьсан болохоор хурдан шуурхай арга хэмжээ авсан. Улмаар тухайн иргэнтэй хамтран шувуудыг Хараа голд шилжүүлсэн. Эх шувууных нь хамт аюулгүй газарт тавьсан гэсэн үг.
Өмнө нь ийм үзэгдэл ганц нэг тохиолдож байсан" хэмээн хэлэв.
Дуудлага мэдээлэл өгсөн иргэн Ж.Ган-Эрдэнэ "Өдөр байрны дээвэр дээр шувууд орилолдоод дуугараад байсан. Цонхоор харахад хэрээ, ангир шувууд хоорондоо тэмцэлцэх дүр зураг харагдсан юм.
Таван давхрын дээвэр дээрээс жижигхэн жижигхэн зүйлс унаад эхэлсэн. Гайхаад хартал шувууны дэгдээхэйнүүд байсан. Удалгүй гадаа бөөн хүмүүс шуугилдаад эхэлсэн. Хүмүүс заримыг нь аваад гэр лүүгээ орсон байв.
Намайг гарахад зургаан дэгдээхэй л үлдсэн байсан юм. Тэгээд би айл айлаас дөрөв, хоёр, нэгээр нь цуглуулаад одоогоор 13-н дэгдээхэйтэй болгосон байна.
Миний бодлоор дээвэр дээр л өндөг нь хагараад буух шиг болсон” хэмээн Дархан телевизэд мэдээлэл өгчээ.
Гэрэл зургийг DBS Дархан телевизийн зөвшөөрөлтэй ашиглав
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
