Mitsubishi Motors компани Delica Mini шинэ загвараа ирэх сараас худалдаанд гаргана

Автомашин үйлдвэрлэгч Mitsubishi Motors компани тавдугаар сарын 25-наас эхлэн шинэ загварын Delica Mini бүтээгдэхүүнээ Японы зах зээлд зарж эхлэхээр болжээ.

Шинэ Delica Mini нь 1,804,000-аас 2,238,500 иений ($13,500-$16,790) үнэтэй байх гэнэ.

Цомхон хэмжээтэй ч бартаат замаар явах чадвартай энэ автомашиныг аялал зугаалга, өдөр тутмын амьдралд зэрэг ашиглах боломжтойг Mitsubishi онцолжээ.

Delica Mini загварын урьдчилсан захиалга нэгдүгээр сарын 13-нд эхэлсэн бөгөөд дөрөвдүгээр сарын 5-ны байдлаар тоо нь 9,000 хүрсэн байна.

Захиалагчдын 60 хувь нь 4WD хувилбарыг, 80 гаруй хувь нь бүрэн тоноглолтой Premium хувилбарыг сонгосон тухай Mitsubishi мэдээлжээ.

 

Эх сурвалж: Mitsubishi Motors