ТЕНДЕРИЙН УРИЛГА: Хаягдал хуванцар хайлуулагч нийлүүлэх, угсарч зүгшрүүлэх, сургалт явуулах

 

ТЕНДЕРИЙН УРИЛГА

“Хаягдал хуванцрыг шахан хайлуулах төхөөрөмж болон холбогдох хэрэгслийг нийлүүлэх, угсарч зүгшрүүлэх, ажилчдад сургалт явуулах” үйлчилгээ

Каритас Чех Репаблик (КЧР) нь Европын Холбооноос санхүүжүүлж буй "Монгол улс дахь хуванцар хог хаягдлын дахин боловсруулалтын тогтвортой байдлыг хангах" төслийг Монголын Байгаль Орчин, Аюулгүй Байдлын Төв (МБОАБТ), Т.Г.Масарыкын нэрэмжит Усны Судалгааны Институт (УСИ), Монголын Тогтвортой Хөгжлийн Гүүр (МТХГ), Экосум ТББ (ЭС)-тай хамтран 2020 оны 9 дүгээр сараас 2024 оны 4 сард дуустал хэрэгжүүлээд байгаа бөгөөд төслийн үлдсэн зарим үйл ажиллагааг дуусгах үүднээс КЧР болон МБОАБТ хоёр байгууллага 2024 оны 5 сараас 12 сарын 31 хүртэл сунган хэрэгжүүлж байна.

Төслийн ерөнхий зорилго нь Монгол улсын эдийн засгийн хөгжил цэцэглэлт, ядуурлыг бууруулахад хувь нэмэр оруулах, ногоон эдийн засгийн хөгжил, нүүрстөрөгч багатай, нөөцийн хэмнэлттэй, тойрог эдийн засагт шилжихэд дэмжлэг үзүүлэх юм.

Төслийг хэрэгжүүлэх баг төсөл хэрэгжиж байгаа Булган аймгийн Булган сумын хог хаягдлыг дахин боловсруулах нэгжийн үйлдвэрлэлийн хүчин чадлыг сайжруулах үүднээс аймгийн бүх сумдаас болон Булган суманд цуглуулсан хуванцар хаягдлыг хайлуулан хэвд шахаж бүтээгдэхүүн үйлдвэрлэх тоног төхөөрөмжийг нийлүүлэх, угсарч, холбогдох сургалтыг нэгжийн ажилчдад явуулах цогц үйлчилгээг энэ чиглэлээр худалдаа, үйлчилгээ эрхэлдэг ААН, байгууллагуудын дунд зарлаж байна.

Хайлуулагч нийлүүлэх, угсарч зүгшрүүлэх, сургалт явуулах ажлын цар хүрээ

1. Дараах төхөөрөмж, хэрэгслийг тус бүр нэг ширхгийг нийлүүлэх
   1. Булган аймгийн Булган сумын хог хаягдлыг дахин боловсруулах нэгжид хуванцар сав, гялгар уутыг шахан нягтруулж, өндөр температурт хайлуулан хэвд цутгах төхөөрөмж
   2. Хуванцар хайлуулагчийг ажиллуулах цахилгаан удирдлагын самбар
   3. Хөдөлгүүр
2. Хайлуулагч болон холбогдох хэрэгслийг Булган сумын хог хаягдлыг дахин боловсруулах нэгжийн байршилд 380-д холбон асааж, зүгшрүүлэлт хийх
3. Нэгжийн менежер, ажилчдад хайлуулагч, холбогдох бусад хэрэгслийг ажиллуулах анхан шатны сургалт болон төхөөрөмжийг хөдөлмөрийн аюулгүй ажиллуулах зааварчилгааг өгөх (үйлчилгээг үзүүлэгч хөтөлбөрийг оруулна. Үргэлжлэх хугацаа нэг өдөр). Сургалтад хамрагдсан хүмүүсийн нэр хаяг, гарын үсгийг авч, фото зургаар баталгаажуулан сургалтын тайланд оруулна.
4. Хайлуулагч, холбогдох хэрэгслийг суурилуулж, зүгшрүүлэлт хийн, орон нутгийн холбогдох ажилтнуудад сургалт явуулсны дараа орон нутгийн ЗДТГ-д хүлээлгэн өгч 3 хувь акт бичин хоёр талаас гарын үсэг тамгаар баталгаажуулан, төслийн багт энэ актны нэг хувийг хүлээлгэн өгнө.

Булган аймгийн Булган суманд нийлүүлэх хайлуулагч, холбогдох хэрэгслийн техникийн үзүүлэлт

• Хуванцрыг халаах хүчин чадал - 7 кв-оос багагүй
• Хуванцар бүтээгдэхүүн үйлдвэрлэх хүчин чадал- 100 кг/цаг-с багагүй
• Хуванцар хайлуулагчийг ажиллуулах цахилгаан удирдлагын самбар- ёстой
• Хөдөлгүүрийн хүчин чадал - 30 квт-с багагүй
• Баталгаат хугацаа 1 жилээс багагүй байх хэрэв баталгаат хугацаанд үйлдвэрийн доголдол согог илэрсэн тохиолдолд нийлүүлэгч өөрийн зардлаар гэмтэл, доголдлыг засан хүлээлгэн өгнө.
• Эдгээр иж бүрдэл нь хуванцар хайлуулагчийг шууд суурилуулан ажиллуулж, бүтээгдэхүүн үйлдвэрлэх нөхцөлийг бүрдүүлсэн байна

Эдгээр үйлчилгээг иж бүрнээр үзүүлэх ААН-үүдийг үнийн саналаа, нийлүүлэх, угсрах, сургалт явуулах ажлын төлөвлөгөөний хамт ирүүлэхийг урьж байна.

Тендер нь түүнийг нээснээс хойш 30 ба түүнээс дээш хоногийн хугацаанд хүчинтэй байна.

Тендерийн материалыг 2024 оны 12-р сарын 09-ний өглөө 10-цагт дээр заасан бүх үйлчилгээг оруулсан ҮНИЙН САНАЛ, АЖЛЫГ ГҮЙЦЭТГЭХ ТӨЛӨВЛӨГӨӨ болон ижил төстэй ажил гүйцэтгэж байсан мэдээлэл бүхий КОМПАНИЙН ТАНИЛЦУУЛГА-ын хамт erdene@environ.mn цахим хаягаар ирүүлнэ үү?

Гадаадын этгээд тендер ирүүлэх эрхтэй эсэх: Үгүй

Урьдчилсан худалдан авах ажиллагааны урилга эсэх: Үгүй

Монгол, Улаанбаатар, Баянзүрх дүүрэг, 15-р хороо, 1 дүгээр байр 4 давхар, 11 тоот Монголын Байгаль Орчин, Аюулгүй Байдлын Төв ТББ

Утас: 459125, 99114157; 99010533

erdene@environ.mn