ГРАФИК: 1950 оноос хойш Монгол хүний дундаж наслалт бараг хоёр дахин өсжээ

Гэрэл зургийг MPA.mn

Мэдээллийг дүрсжүүлж харуулдаг OurWorldInData төслийнхөн НҮБ-аас гаргасан сүүлийн үеийн тоо баримт дээр үндэслэн дэлхийн улс орнуудын хүн амын дундаж наслалтын түүхийг 1950 оноос 2021 оныг хүртэл хугацааны завсарт графикаар үзүүлжээ.

Үүнээс Монгол улсын графикийг сонгож харууллаа. 1950 онд Монгол улсын иргэдийн дундаж наслалт 39.6 байсан бол 2021 онд 71 болж, бараг хоёр дахин (84 хувиар) өссөн байна.

Өнөөдрийн байдлаар дэлхийн ихэнх баян чинээлэг орнуудын иргэдийн дундаж наслалт 80-ыг давснаас хамгийн өндөр нь Японд 85 орчим болжээ.

Харин эрүүл мэндийн систем сул дорой хөгжсөн орнуудад иргэд нь 50-60-ын хооронд насалж байна. Тухайлбал Төв Африкийн Бүгд Найрамдах Улсын иргэдийн дундаж наслалт 2019 оны байдлаар 53 байгаа нь хамгийн муу үзүүлэлт болжээ.

Дэлхийн бүх улс орнуудын иргэдийн дундаж наслалтыг дараах интерактив графикаас харах боломжтой.

Эх сурвалж: Our World In Data