“Яг түүн шиг-2022” - Та хэнд, ямар үнэлгээ өгөх байсан бэ?
“Яг түүн шиг-2022” шоуны хоёр дахь дугаарыг оролцогч Наран эхлүүлж, The Weeknd-ийг тайзнаа авч ирсэн бол залуу дуучин Баянаа Төрийн соёрхолт, тайз дэлгэцийн нэрт жүжигчин Д.Сосорбарамын дүрийг бүтээсэн юм.
Харин оролцогч Уянга - дуучин Д.Болд, Мишээл - реппэр Цэцэгийн дүрд хувирснаар монгол уран бүтээлч ихтэй онцлог дугаар болов. Дижиталын Эркад - Elvis Presley-ийн дүр оногдож, Зоригт - Звери хамтлагийн “До скорой встречи” дууг клиптэй нь хийж үзэгчдэд бэлэг барилаа.
Уянгын дуугаар сонсогчдодоо танигдсан Чойжоо - Snoop Dogg-той уулзсан мэт сэтгэгдэл төрүүлэв. Ингээд Барбадосын гүнж Rihanna-г Баярмаа дуурайснаар үзүүлбэрүүд өндөрлөлөө. Найман үзүүлбэрт шүүгч, оролцогчид оноогоо тавилаа. Харин та хэнд, ямар үнэлгээ өгөх байсан бэ?
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
