"Монголд Био лаборатори байгаа эсэхэд хөндлөнгийн экспертүүдээр яаралтай дүгнэлт гаргуулах хэрэгтэй"
Монгол Улсад суугаа ОХУ-ын Элчин сайдын болон Гадаад Харилцааны Яамны мэдэгдлийн талаар намын бүлгийн хурлаар хэлэлцсэн тухай УИХ дахь АН-ын бүлгийн дарга Д.Ганбат мэдээлэл өгөв.
Тэрбээр "Украин, ОХУ-ын хоорондын нөхцөл байдал үүссэнээс хойш Монголд Био лаборатори бий болгосон бөгөөд ажиллаж байгаа гэсэн мэдээллийг ОХУ-ын албаны хүн удаа дараа хэлж байна. Энэ талаар ГХЯ өчигдөр мэдэгдэл гаргасан.
Хөндлөнгийн экспертүүдийг яаралтай уриад ийм лаборатори байна уу үгүй юу гэдэг дүгнэлтийг гаргуулж, найрсаг хөрш ОХУ-ын зохих байгууллагуудад хүргүүлэх хэрэгтэй. Өөрөөр хэлбэл мэдэгдлээс илүү зүйл хийх нь зөв.
Жуковын хөшөөний дэргэд самбартай жагссан иргэдийн мэдээллийг нягтлах шаардлагатай" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
74 СЭТГЭГДЭЛТЭЙ
|
