ТООЦООЛОЛ: ХХОАТ-ын хөнгөлөлт, чөлөөлөлт

Гэрэл зургийг Mpa.mn

Хувь хүний орлогын албан татвараас чөлөөлөх тухай хуульд Монгол Улсын иргэний 2020 оны 4 дүгээр сарын 1-ний өдрөөс 2020 оны 10 дугаар сарын 1-ний өдрийг хүртэлх хугацаанд олсон цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогод ногдох хувь хүний орлогын албан татварыг чөлөөлөхөөр заасан.

Хуулийн дагуу 2, 3-р улиралд ногдуулсан албан татвараас ХХОАТ-ын тухай хуулийн 23 дугаар зүйл 23.1-д заасан хөнгөлөлтийг эдлүүлж, төлбөл зохих албан татварыг бүрэн чөлөөлсөн юм.

Өөрөөр хэлбэл Хувь хүний орлогын албан татварын тухай хуулийн 7 дугаар зүйлд заасан орлогоос эрүүл мэндийн даатгалд төлсөн шимтгэлийг хасаж 10 хувиар албан татвар ногдуулах бөгөөд мөн хуулийн 23.1-д заасан хөнгөлөлтийг эдлүүлсний дараах төлбөл зохих татварыг Хувь хүний орлогын албан татвараас чөлөөлөх тухай хуулийн дагуу чөлөөлсөн.

Иймд татвар ногдуулах орлогыг нийт дүнгээр/12 сараар/ тооцож, 2020 оны 1 дүгээр улиралд НДШ, ЭМД-ын шимтгэлийг 11.5%- аар, 4 дүгээр улиралд 7%-аар тооцон хасаж тодорхойлох бөгөөд ХХОАТ-ыг 10%-аар тооцно.

7.1.6- д /үндсэн ажлын газраас бусад хуулийн этгээд болон хувь хүнтэй байгуулсан гэрээний үндсэн дээр ажил, үүрэг гүйцэтгэж авсан хөдөлмөрийн хөлс, шагнал, нэмэгдэл, тэтгэмж, тэдгээртэй адилтгах бусад орлого/ зааснаас бусад орлогод ногдуулах албан татварт 23.1-д заасан хөнгөлөлтийг тооцож эдлүүлнэ.

Дараах жишээгээр авч үзье:

Эх сурвалж: Татварын Ерөнхий Газар

Хуулийн заалт: ХХОАТ-ын тухай хуулийн 23 дугаар зүйлийн 23.1.

23 дугаар зүйл.Албан татварын хөнгөлөлт

23.1.Албан татвар төлөгчийн энэ хуулийн 7.1.1, 7.1.2, 7.1.3, 7.1.4, 7.1.5, 7.1.7-д заасан орлогод ногдуулах жилийн албан татварт дараах хэмжээгээр албан татварын хөнгөлөлт эдлүүлнэ:

7 дугаар зүйл.Цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлого

7.1.Албан татвар төлөгчийн цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогод дараах орлогыг хамруулна:

7.1.1.ажил олгогчтой байгуулсан хөдөлмөрийн гэрээнд заасны дагуу авч байгаа үндсэн цалин, нэмэгдэл хөлс, нэмэгдэл, шагнал, урамшуулал, амралтын олговор, тэтгэвэр, тэтгэмж, тэдгээртэй адилтгах бусад орлого;

7.1.2.ажил олгогчоос ажилтан, түүний гэр бүлийн гишүүнд олгосон тэтгэмж болон түүнтэй адилтгах орлого;

7.1.3.ажил олгогчоос ажилтан, түүний гэр бүлийн гишүүнд өгсөн бэлэг;

7.1.4.төлөөлөн удирдах зөвлөл, хяналтын зөвлөл, орон тооны бус зөвлөл болон бусад зөвлөл, хороо, ажлын хэсгийн гишүүний цалин хөлс, шагнал, урамшуулал, тэдгээртэй адилтгах орлого;

7.1.5.гадаад, дотоодын аж ахуйн нэгж, байгууллага, иргэн болон бусад этгээдээс өгсөн бүх төрлийн шагнал, урамшуулал, тэдгээртэй адилтгах орлого;

7.1.6.үндсэн ажлын газраас бусад хуулийн этгээд болон хувь хүнтэй байгуулсан гэрээний үндсэн дээр ажил, үүрэг гүйцэтгэж авсан хөдөлмөрийн хөлс, шагнал, нэмэгдэл, тэтгэмж, тэдгээртэй адилтгах бусад орлого;

7.1.7.хоол, унааны мөнгө.

Эх сурвалж: ТЕГ