Г.Ганбаяр: Сургууль цэцэрлэгийн барилгаа 1,000 километр явахгүйгээр үздэг болсон

Гэрэл зургийг mpa.mn

Боловсрол, Шинжлэх Ухааны Яамнаас төр, хувийн хэвшлийн түншлэлийн хүрээнд хэрэгжүүлж буй сургуулийн удирдлагын систем, сургалтын цахим платформ хөгжүүлэх ажлын талаар мэдээлэл хийж байна. 

ШУУД ҮЗЭХ:

БШУ-ны дэд сайд Г.Ганбаяр "Энэ хичээлийн жил гурван улирлаар зохион байгуулагдаж байгаа. Манай салбарт цахим шилжилтийн үйл ажиллагаа явагдаж байна.

Улсын хэмжээнд 687 мянга 237 хүүхэд ЕБС-д суралцаж байна. Өмнө нь улирлын мэдээ тайлангаар авч байсан бол одоо esis.edu.mn хаягаас авч байна.  

Иргэд суралцагчид боловсролын лавлагаа авдаг. Боловсролын гэрчилгээний кодыг уншуулахад мэдээлэл нь шууд очно. Ажил олгогч дээр дипломын хуулбар барьж очих шаардлагагүй болно. Бүх мэдээллийг онлайнаар хардаг болох боломжтой.

Сургалтын үйл ажиллагаанд эцэг эхийн оролцоог нэмэгдүүлэхэд анхаарч байна. Хүүхдээ ямар хичээл дээр хангалттай дүн авч байгаа, аль дээр нь анхаарах ёстойг дээрх хаягаас харж болдог боллоо. Мөн өөрийн хүүхдэд ямар багш нар хичээл орж байгаатай танилцаж болно. Номын сурах бичгийн мэдээллийг онлайнаар авах боломж бүрдлээ. Эцэг эхчүүд хүүхдийнхээ боловсролд анхаарал тавих боломжийг ийнхүү бий болголоо" гэлээ.