УИХ-ын дарга Г.Занданшатар БНХАУ-ын Гадаад хэргийн сайд Ван И-тэй уулзахгүй

mpa.mn

БНХАУ-ын Гадаад хэргийн сайд Ван И Монгол Улсад айлчилж байгаа билээ. Айлчлалын үеэр Ван И сайд Төрийн гурван өндөрлөгт бараалхана гэсэн мэдээ байгаа. УИХ-ын дарга Г.Занданшатартай уулзах үеэр ямар асуудал хөндөж ярилцах талаар УИХ-ын Тамгын газрын Хэвлэл мэдээлэл, олон нийттэй харилцах хэлтсийн дарга С.Батбаатараас тодрууллаа.   

-БНХАУ-ын Гадаад хэргийн сайд Ван И УИХ-ын дарга Г.Занданшатарт бараалхана гэсэн. Хэдэн цагт уулзалт болох вэ. Ямар асуудал яригдах бол?

-Хэвлэл мэдээллийн зарим хэрэгслээр Ван И сайд УИХ-ын дарга Г.Занданшатарт бараалхана гэсэн мэдээлэл гарсан байсан. Ийм уулзалт болохгүй. Хөтөлбөрт УИХ-ын даргатай уулзах арга хэмжээ тусгагдаагүй.