Энэтхэгийн сансрын хөлөг сарны гэрэл зургийг анх удаа буулгаснаа дэлхийд ирүүлжээ
Энэтхэг улсын саран дээр буулгахаар илгээсэн хөлөг дэлхийн дагуулын гэрэл зургийг анх удаа буулгасныг тус улсын сансар судлалын хүрээлэн нийтэд үзүүлжээ.
Чандраян-2 хөлөг Лхагва гарагт сарны гадаргаас 2,650 км зайнд байхдаа энэхүү гэрэл зургийг буулгасан байна.
Энэтхэг улс долдугаар сарын 22-нд саранд хүрэх хөлгөө дэлхийгээс хөөргөж байв.
Чандраян-2 хөлөг наймдугаар сарын 19-ний өдөр сарны тойрог замд орсон бөгөөд гадаргуу дээр нь есдүгээр сарын 6-ны өдөр буухаар төлөвлөжээ.
Хамгийн нарийн төвөгтэй энэхүү ажиллагааг амжилттай хэрэгжүүлж чадвал Энэтхэг улс АНУ, Орос, Хятадын дараа саран дээр буусан дэлхийн дөрөв дэх улс болж түүхэнд бичигдэнэ.
Тус улс Чандраян-1 хөлгийг 2008 онд сар руу илгээж байсан нь газардалгүй, зайнаас радарын судалгаа гүйцэтгэж байжээ.
Эх сурвалж: Russia Today
