2019/09/22
Америк доллар
МОНГОЛ БАНК:
2,667.91₮
B30
УЛААНБААТАР
23°
|
B30
УЛААНБААТАР
25°
|
B30
УЛААНБААТАР
25°
|
10°
18:00
S30
20°
19:00
S29
17°
20:00
S29
14°
21:00
S29
12°
22:00
S29
10°
23:00
S29
00:00
S29
01:00
S29
02:00
S29
03:00
S29
04:00
S29
05:00
S31
Энэ мэдээ хуучирсан буюу 2019/05/14 -нд нийтлэгдсэн мэдээ болно.

ШИЙДЭЛ: Орон сууцны барилгын агаар сэлгэлт

Барилга.мн
2019 оны 5 сарын 14
Барилга.МН

2019 оны гуравдугаар сарын 11-15-ны өдрүүдэд ХБНГУ -ийн Франкфурт хотноо “ISH 2019 Эрчим хүч ба ус” гэсэн олон улсын үзэсгэлэн болж өнгөрлөө.  ISH нь барилгын эрчим хүч ба усны менежментийн хариуцлагад чиглэсэн дэлхийд тэргүүлэх худалдааны үзэсгэлэн бөгөөд орчин үеийн ариун цэврийн өрөөний дизайн, тогтвортой халаалт, агаар сэлгэлт, кондиционерийн технологи, гэрийн ухаалаг системийн чиг хандлагыг тодорхойлж байдаг.

Тус үзэсгэлэн худалдаанд нийтдээ 2532 байгууллага оролцож өөрсдийн бараа бүтээгдэхүүн, үйлчилгээг 275,000 м2 талбайд танилцуулж 190,000 хүн үзэж танилцсан ба тэдгээрийн 48 хувь нь гадаадын иргэд гэсэн статистик үзүүлэлтийг зохион байгуулагчдын зүгээс гаргасан байна.

Үзэсгэлэнгийн танхимд

Энэ үзэсгэлэн дээр танилцуулсан бүтээгдэхүүнээс цуврал болгон хүргэхийг зорьсон бөгөөд энэ удаад орон сууцны барилгын агаар сэлгэлтийн шийдэл бүтээгдэхүүнээс танилцуулж байна.

Улаанбаатар хотын агаарын бохирдлоос үүдэлтэйгээр бид агаар шүүгч хэмээх төхөөрөмжийг өргөн ашиглах болсон. Ямартай ч PM2.5 нарийн тоосонцрыг шүүх, агаарыг ионжуулах, агаар дах өвчин үүсгэх нян, бактерийг устгах боломжуудыг энэ төхөөрөмж бий болгодог. Гэхдээ нөгөө асуудал нь гаднаас “цэвэр” агаар оруулах тал дээр анхаарал хандуулахдаггүй. “Агаар цэвэршүүлэгч” нь хэзээ ч хүчилтөрөгч үйлдвэрлэдэггүй мөн агаар дах СО2 -ийн агууламжийг бууруулдаггүй. Тиймээс зайлшгүй гаднаас агаар оруулж бас гадагш нь зайлуулдаг буюу “агаар сэлгэлт” шаардлагатай байдаг.

Бидний хэрэглэж заншсан ердийн агаар сэлгэх систем нь цонхны битүүмжлэл сайжирсан, барилга байгууламжийн нягтралаас үүдэлтэй агаарын урсгалгүй бүгчим орон зай үүсэх зэргээс үүдэн ажиллагаа нь доголдох болсон. Өөрөөр хэлбэл агаарын даралтын хангалттай зөрүү үүсэхгүйгээс ердийн агаар сэлгэлтийн систем ажиллах боломжгүй байдал үүсдэг болсон.

Үүнээс үүдэн нэн ялангуяа хүйтний улиралд агаар оруулах сэлгэлтийн бие даасан ба төвлөрсөн механик систем төлөвлөх, ашиглах зайлшгүй шаардлага бий болж байна.

Агаар сэлгэлтийн төвлөрсөн бус бие даасан механик систем

Орон сууц болон олон нийтийн барилгын жижиг өрөө тасалгаанд агаар сэлгэх зориулалттай төхөөрөмж.

Эдгээрээ үйлчилгээ хийхэд хялбарыг нь бодож “Stiebel Eltron” фирмийн VLR 70 L төвлөрсөн бус агаар сэлгэлтийн төхөөрөмжийг сонголоо.

Хэд, хэдэн онцлог байдаг. Энэ төхөөрөмж 2 тал руугаа агаараа үлээдэг. Шалтгаан нь гадагш зайлуулж буй агаарт буй дулааныг дотор талд байх метал дулаан солилцуурт шингээн аваад эргээд гаднаас агаар оруулахдаа халааж (бүлээсгэж) өгдөг. Дулааныг 92 хүртэл хувь эргүүлэн ашиглах боломжтой. Ингэснээрээ гаднаас хүйтэн агаарыг халаахад шаардагдах эрчим хүчийг эрс бууруулдаг. Өрөөний агаар халаалтын улиралд агаар сэлгэснээс болж хөрдөг тул дулаан байхын тулд агаараа сэлгэдэггүй. Тэгвэл дулаан эргүүлэн ашиглагч нь энэхүү асуудлыг шийдэж өгдөг. 300 – 550 мм хүртэл зузаан хананд суурилуулах боломжтой ба хэрэв үүнээс зузаан нөхцөлд нэмэлт тоноглол ашигладаг.

Ажиллагааны горимыг программчилж өгсөн байдаг тул ашиглахад маш хялбар. Мөн эргээд л утааны асуудал яригдах тул энэхүү төхөөрөмж нь тоосны болон нарийн тоосонцор PM2.5 шүүх шүүлтүүрүүдтэй бөгөөд шүүлтүүр солих шаардлагатай үед дохиолол өгдөг. G2 болон F7 төрлийн шүүлтүүрийг гадна болон дотор талдаа нэмэлтээр тоноглож өгдөг. VLR 70 L төхөөрөмжийг 100м2 орчим талбайтай сууцны өрөө болон жижиг талбайтай олон нийтийн барилгын өрөө тасалгаад ашиглахыг зөвлөдөг.

Мөн нэг өрөөнд 2 төхөөрөмж суурилуулахыг зөвлөдөг бөгөөд нэг нь агаарыг гадагш сорж байхад нөгөө нь өгч байх гэсэн зарчмаар ажилладаг. Ийм төрлийн төвлөрсөн бус агаар сэлгэлтийн механик системийг олон үйлдвэрлэгчид санал болгож байгаа бөгөөд манай орны зах зээлд ч нэвтрээд нэлээдгүй хугацаа өнгөрч байна.

Агаар сэлгэлтийн төвлөрсөн механик систем

VLR 70 L төвлөрсөн бус агаар сэлгэлтийн төхөөрөмж

Төвлөрсөн гэдэг ойлголт нь хэд хэдэн барилга бус хэд хэдэн өрөөг хамруулан шийдсэн системийг нэрлэдэг. Тухайлбал олон өрөө бүхий орон сууцанд зориулан нэг үндсэн төхөөрөмжөөс хэд хэдэн өрөөг хамран хийгдэж байвал барилгын агаар сэлгэлтийн төвлөрсөн систем гэж нэрлэдэг. Манай орны хувьд цөөн тоогоор л хэрэглэдэг бөгөөд салбарын мэргэжилтнүүд болоод хэрэглэгчдийн хувьд шинэ зүйл мэт байсаар байна.

WOLF фирмийн CWL-2 загварыг үйлдвэрлэгч нь хэрхэн “магтсан” –ыг дурдвал

  1. Цахилгаан болон дулааны эрчим хүчний хэмнэлттэй, нэмэлт халаалттай
  2. Өндөр хурдан дээрээ сайтар аэродинамик хөгжүүлэлтийн үр дүнд дуу чимээ маш бага
  3. Сүүлийн үеийн сэнсний технологи нь агаарын зарцуулалтыг зохистой хэмжээнд тохируулж чаддаг
  4. Дулаанаас гадна чийгийг эргүүлэн ашиглах хувилбартай. 
  5. Хэт хүйтэн үед урьдчилан халаах харин дулаан үед шууд нэвтрүүлэх функцтэй
  6. Суурилуулах болон ашиглахад маш хялбар
  7. Шууд болон онлайн удирдах боломжтой
  8. СО2 мэдрэгчээр дамжуулан хэрэглээнд нийцсэн агаарыг өгнө.
  9. Агаарын зарцуулалт нь 325/400м3/ц
  10. 8/16/24 хоолой холбох хуваарилах хайрцагтай
  11. Хэрэглэгч өөрөө төлөвлөлтөө гаргах боломжтой программ хангамжтай (онлайн) зэрэг болно.

Шугам хоолойн хувьд ч үйлдвэрлэгчид бага голчтой дугуй болон зууван хэлбэртэй хоолой холбох хэрэгсэл, мөн дулаалгыг санал болгож байна.

Халуун усны агаар-усны дулаан насос

Төвлөрсөн, дулаан эргүүлэн ашиглагчтай агаар сэлгэлтийн механик систем (WOLF CWL-2)

Агаар сэлгэлтийн системийг оруулах болон сорох/зайлуулах системээр тусад нь төлөвлөж болдог. Агаар сорж зайлуулах системийг халуун ус бэлтгэх дулааны насостой хослуулан хийх нь түгээмэл байдаг.

Сорж хаяж байгаа бохирдсон агаар нь халуун байдаг бөгөөд өрөөний агаарын температураас 5 хүртэл хэмээр өндөр байдаг. Тэрхүү дулааныг ашиглан халуун ус бэлтгэх нь маш хямд үнээр халуун устай болох арга юм. Зуны болоод дулааны улиралд гадна агаараас ч дулаанаа авах бүрэн боломжтой.

Дулааны насосын хувьд халаалт халуун ус бэлтгэлийн гол шийдэл болсныг ISH 2019 үзэсгэлэнгээс харж болохоор байлаа. 

Халуун усны дулааны насос. WWK 221 Stiebel Eltron
Халуун усны дулааны насос. Gorenje.

 

x