Залуус бүлэглэн дээрэм хийжээ

Нийслэлийн Баянгол дүүргийн 8,10,13-дугаар хороодод өнгөрсөн Ням гарагийн 00:00 цагаас 03:00 цагийн хооронд гэртээ харьж явсан хүүхэд залуучуудыг хутга мэсээр сүрдүүлэн зодож, өмсөж явсан пүүз хувцас, гар утас, мөнгө болон бусад зүйлсийг дээрэмдсэн хэрэг гарчээ.

Гэмт хэрэгтнүүдийг Баянгол дүүрэг дэх цагдаагийн хэсгийн хэв журмын цагдаагийн албан хаагчид шуурхай баривчилсан байна. Хэргийг Төв аймгаас Улаанбаатар хотод суралцахаар ирсэн 18-20 насны М.Т.О.П нар нь бүлэглэн үйлдсэн байжээ.

Тиймээс шөнө оройн цагаар ганцаараа хол явахгүй байх, бага насны хүүхдийг хараа хяналтгүй явуулахгүй байхыг албаныхан анхааруулж байна.