Боксын насанд хүрэгчдийн УАШТ болно
Сонирхогчийн боксын насанд хүрэгчдийн улсын аварга шалгаруулах тэмцээн энэ сарын 17-25 нд Спортын төв ордноо зохион байгуулагдахаар болжээ.
Эрэгтэйчүүдийн 35 дахь эмэгтэйчүүдийн 11 дэх удаагийн тэмцээнийг 20 дугаар зууны манлай тамирчин, Д.Батбаярын нэрэмжит болгон зохион байгуулах юм.
Тэмцээнд одоогоор 20 гаруй байгууллагын 250 гаруй тамирчин өрсөлдөхөөр болсон байна.
- Монгол Улсын шилдэг тамирчдаас олимп, дэлхийн хүрэл медальт гавьяат тамирчин Мөнх-Эрдэнэ,
- Өнгөрсөн Азийн тоглолтын аварга Отгондалай нарын шилдгүүд өрсөлдөнө гэдгээ мэдэгджээ.
Шигшээ багийн тамирчид ирэх хоёрдугаар сард Унгар улсад болох олон улсын тэмцээнд өрсөлдөхөөр бэлтгэлдээ гарсан байна.
Энэ нь олимпийн өмнөх хариуцлагатай жил учир 2015 оны дэлхийн аварга шалгаруулах тэмцээний бэлтгэлийг эрчимжүүлж олимпийн эрхийг жин тус бүрт хүртэх зорилго тавьжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
