АНУ-д Solgar ABC Dophilus®Powder нэмэлтийг буцаан татаж эхэлжээ

Насанд хүрэгчид болон хүүхэд, тэр дундаа дутуу төрсөн нярайд зориулсан пробиотик нэмэлт бүтээгдэхүүнийг зах зээлээс буцаан татаж эхэлжээ.

Энэ нэмэлт бүтээгдэхүүнээс эмгэг төрүүлэгч Rhizopus Oryzae мөөгөнцөр илэрсэн бөгөөд хүний арьс, дотор эрхтнийг гэмтээж улмаар үхэлд хүргэх аюултай юм.

Нэмэлт бүтээгдэхүүнийг хэрэглэсэн хүн хордлого авч нас барсан тохиолдол өнгөрсөнаравдугаар сард АНУ-д гарсан байна. 

Нэмэлт бүтээгдэхүүнийг хэрэглэсэн хүн хордлого авч нас барсан тохиолдол өнгөрсөнаравдугаар сард АНУ-д гарсан байна. Нэмэлтийг АНУ-ын нийт нутаг дэвсгэр, Их Британи, Израил Улсын зах зээл болон цахим ертөнцөөр нэлээд хэмжээгээр борлуулж байжээ.  

Үүнтэй холбогдуулан ОХУ-ын Хүний аюулгүй байдал, Хэрэглэгчдийн эрх ашгийг хамгаалах хяналтын холбооны алба мэдээлэл хийж уг бүтээгдэхүүнийг цахим ертөнцөөр дамжуулан худалдан авч хэрэглэхгүй байхыг иргэддээ анхааруулсан байна.

Solgar ABC Dophilus® Powder нэмэлт нь ОХУ-ын холбогдох байгууллагын бүртгэлд албан ёсоор бүртгэгдээгүй, худалдан борлуулах эрх аваагүй юм байна.

Тиймээс МХЕГ-аас уг хүнсний нэмэлтийн талаар мэдээлэл хүргэж худалдан авахгүй байхыг анхааруулж байна.

Нэршил : Solgar ABC Dophilus® Powder  жин 50 гр
Бүтээгдэхүүний код : 0 33984 00010 0
Багцын дугаар : 074024-01R1, 074024-01, 074024-02
Хугацаа : 31.07.2015