Хятадын эрх баригчид анх удаа мэдэгдэл хийлээ

Хонг Конгийн оюутнууд өнгөрсөн сарын 21-ний өдөр сонгуулийн шинэчлэлтэй холбоотой Хятадын байр суурийг эсэр­гүүцэн долоо хоногийн хугацаатай бойкот зарласан билээ.

Гэвч эрх ба­ригчид тэдний тавьж буй шаардлагыг хүлээн авах эсэх талаар ямар нэгэн тайлбар хийгээгүй учраас олон мянган Хонг конгчууд гу­дамжинд гарч, жагссаар удлаа. Тэд удирдлагаа өөрсдөө сонгохыг  Бээ­жингийн талаас шаардаж байгаа юм. Тэгвэл Вашингтон хотноо аж­лын  айлчлал  хийж  буй Хятадын Гадаад хэргийн сайд Ван И анх удаа хэвлэлийнхэнд хандан мэдэгдэл хийжээ.

Хонг Конгчуудын бослогыг “хууль бус үйл ажиллагаа” хэмээ­сэн байна. Түүнчлэн Хонг Конгийн бослого бол Бээжингийн дотоод  хэрэг учир АНУ-ын талыг хөндлөнгөөс оролцохгүй байхыг сануулжээ.

Тэр­бээр Хонг Конгчуудын бослогыг “хууль бус үйл ажиллагаа” хэмээ­сэн байна. Түүнчлэн Хонг Конгийн бослого бол Бээжингийн дотоод  хэрэг учир АНУ-ын талыг хөндлөнгөөс оролцохгүй байхыг сануулжээ.

Харин АНУ-ын Төрийн нарийн бичгийн дарга Жон Керри Хонг Конгийн жагсагчдын асуудлыг Бээжингийн оролцоогүйгээр өөрөө шийдвэрлэх хэрэгтэй гэдгийг онцлон тэмдэглэсэн байна.

Хонг Конгийн жагсагчид 2017 оны сонгуульд нэр дэвшигчдийг Бээжинд хянуулах ёстой гэсэн Хятадын болзлыг хүчтэй эсэргүүцэж байгаа билээ. Үүний зэрэгцээ жагсагчид Хонг Конгийн Ерөнхий захирагч Люн Чун Инийг суудлаасаа буухгүй бол засаг, захиргааны нэгжүүдийг халдан эзлэхээ мэдэгдсэн юм.

Хонг Конгийн Ерөнхий захирагч Люн Чун Иний байрыг өнгөрсөн лхагва гарагийн шөнө 200 орчим цагдаа манаж, 3000 орчим жагсагч бүсэлсэн байдалтай хоножээ.

Өмнө нь өнгөрсөн долоо хоногийн ням гарагт Хонконгийн эрх баригчид эсэргүүцлийн жагсаалыг хүч хэрэглэн тараахыг оролдсоноор цагдаа болон жагсагчдын хооронд мөргөлдөөн үүсч, 41 хүн бэртсэн билээ.